पोलीस मदत केंद्र रेगडी येथे ‘पोलीस दादालोरा खिडकी’ या कार्यक्रमाचे उद्घाटन..

0
418

ब्युरोचिफ प्रशांत शाहा

गडचिरोली: गडचिरोलीचे सहाय्यक पोलीस अधीक्षक अंकित गोयल, अप्पर पोलीस अधीक्षक मनीष कलवानिया, अप्पर पोलीस पोलीस अधीक्षक समीर शेख यांच्या संकल्पनेतून उपविभागीय पोलीस अधिकारी प्रणील गिल्डा यांच्या अध्यक्षतेखाली पोलीस दादालोरा खिडकी व जॉब कार्ड कॅम्पचे उदघाटन करण्यात आले.

यावेळी  पंचायत समिती चामोर्षी,कृषी विभाग चामोर्षि यांचेशी समन्वय साधून पोलीस मदत केंद्र रेगडी हद्दीतील 37 शेतकऱ्यांना धान्य बियाणेचे पिशवी 50 टक्के अनुदानावर पोलीस विभागाचे वतीने वितरण करण्यात आले. तसेच 34 लोकांचे जॉब कार्ड व 96 लोकांचे आयुष्यमान भारत कार्ड, तयार करून वाटप करण्यात आले व 387 नवीन कार्ड तयार करण्यात आले.

यावेळी जी. प. प्राथमिक शाळेतील विद्यार्थ्यांना पुस्तक पेन व पाण्याच्या बाटल्या वाटप करण्यात आले तसेच  बिरसा मुंडा शासकीय प्रोत्साहन योजना राबवित पो. म.के. रेगडी हद्दीतील सरपंच, रोजगार सेवक, समाज सेवक यांना पो. म.के. रेगडी तर्फे बक्षीस देण्यात आले.यावेळी सदर कार्यक्रमाला उपविभागीय पोलीस अधीकारी प्रणिल गिल्डा ,चामोर्शी चे पोलीस निरीक्षक विपिन शेवाळे साहेब ,घोट पोलीस मदत केंद्राचे सहायक पोलीस निरीक्षक संदीप रोंडे साहेब,भाजपा बंगाली आघाडीचे जिल्हा अध्यक्ष  सुरेश शाहा,रेगड़ी प्राथमीक आरोग्य केंद्राचे डॉ.राजेंद्र शेंडे साहेब,ग्रामसेवक प्रकाश सलामे,तलाठी साईनाथ कुळेयेटी,पत्रकार प्रशांत शाहा,सरपंचा कु.मोहिता लेकामी,उपसरपंच श्री प्रवीण मोहूर्ले, सदस्य प्रवीण पोटावी,अश्विनी नेवारे व गरंजी, वेंगणुर,रेगडी येथील गावकरी उपस्थित होते.या वेळी कार्यक्रमाचे संचालन पो.अ. संभाजी सावंत यांनी केले तर आभार प्रदर्शन रेगडी पोलीस मदत केंद्राचे प्रभारी अधिकारी पो. उपनिरीक्षक नंदकुमार शिम्ब्रे साहेब यांनी केले.

LEAVE A REPLY

Please enter your comment!
Please enter your name here