Advertisements
Home गडचिरोली पालकमंत्री एकनाथ शिंदेंचा जिल्ह्यातील सिंचन समस्या सोडविण्यासाठी पुढाकार

पालकमंत्री एकनाथ शिंदेंचा जिल्ह्यातील सिंचन समस्या सोडविण्यासाठी पुढाकार

तळोधी व रेगुंठा उपसा सिंचनसाठी 27 कोटी रूपये निधीची तरतुद

Advertisements

नक्षलग्रस्त भागातील पोलीस विभागालाही 58 कोटी रुपयांची तरतूद

गडचिरोली प्रतिनिधी/सतीश कुसराम

जिल्हयाचे पालकमंत्री एकनाथ शिंदे यांनी गडचिरोली जिल्ह्यातील चामोर्शी येथील तळोधी मोकासा व सिरोंचा येथील रेगुंठा उपसा सिंचन योजना पुर्ण करण्याकरीता पुरवणी मागणीद्वारे 27 कोटी रुपयांची तरतूद केली आहे. जिल्हयातील स्थानिक आमदार धर्मरावबाबा आत्राम, आमदार डॉ.देवराव होळी तसेच आमदार कृष्णा गजबे यांनी वेळोवेळी या विषयांबाबत पालकमंत्री यांचेकडे प्रश्न मार्गी लावण्याबाबत विचारणा केली होती. गडचिरोली जिल्हा हा नक्षलग्रस्त संवेदनशील जिल्हा असून 78 टक्के वनक्षेत्र आहे. या जिल्ह्यातील सिंचन क्षमता वाढविण्यासाठी यापूर्वी चिंचडोह प्रकल्प मार्गी लागला असून कोटगल प्रकल्पाचे काम प्रगतीपथावर आहे. चामोर्शी तालुक्यातील वैनगंगा नदीवर तळोधी मोकासा येथील उपसा सिंचन प्रकल्पाचे काम तसेच सिरोंचा तालुक्यातील रेगुंठा उपसा सिंचन प्रकल्पाचे काम गतीने पुर्ण करण्याचा दृष्टीने स्थानिक लोकप्रतिनिधींनी जिल्ह्याचे पालकमंत्री यांना विनंती केली होती. त्याअनुषंगाने पालकमंत्र्यांनी मुख्यमंत्री व उपमुख्यमंत्री यांच्याकडे पाठपुरावा केला. त्याचे फलित म्हणून या दोन्ही प्रकल्पासाठी एकूण 27 कोटी रुपयांची तरतूद सन 2020-21 च्या पुरवणी मागणीद्वारे मंजूर करण्यात आली आहे. त्यामुळे तळोधी मोकासा प्रकल्पातील 16 गावातील 6062 हेक्टर सिंचन क्षमता निर्माण होणार आहे. तर रेगुंठामुळे 17 गावातील 3283 हेक्टर सिंचन क्षमता निर्माण होणार आहे. या कामी पुढील लागणारा आवश्यक निधी टप्याटप्याने उपलब्ध करुन देण्यात येणार आहे असे पालकमंत्री एकनाथ शिंदे यांनी सांगितले.

तळोधी मोकासा उपसा सिंचन योजना* : नक्षलप्रवण आदिवासी भागातील चामोर्शी तालुक्यातील दर्शनीमाल गावाजवळ वैनगंगा नदीच्या डाव्या तीरावर या योजनेचे काम सुरू आहे. या योजनेची प्रस्तावित सुधारीत प्रशासकिय मान्यता 155.45 कोटी रू.ची आहे. चिचडोह प्रकल्प पुर्ण झाला असून त्यामुळे या योजनेचे काम पुर्ण झाल्यास यातून चिचडोह प्रकल्पामुळे शाश्वत सिंचन सुरू ठेवता येणार आहे. आत्तापर्यंत 19 टक्के खर्च या योजनेवर झाला आहे. यात 8.32 कोटी रू. झालेल्या कामापैकी दिले आहेत तर 2.30 कोटी देयके देणे बाकी आहेत. सदर प्रकल्पास सद्या मंजूर निधीमुळे गती मिळणार असून अंदाजे जून 2022 मध्ये हा प्रकल्प कार्यान्वित करण्याचे नियोजन आहे.

*रेगुंठा उपसा सिंचन योजना* : सिरोंचा तालुक्यातील रेगुंठा गावाजवळ प्राणहिता नदीच्या डाव्या तीरावर या योजनेचे काम सुरू होणार आहे. सुधारीत प्रशासकिय मान्यतेसाठी या योजनेचा खर्च 102.36 कोटी प्रस्तावित आहे. पैकी 1.37 कोटी खर्च करण्यात आला आहे. या योजनेची पुर्ण उभारणी सन 2024 पर्यंत पुर्ण होणार आहे. यासाठी शासनाकडून वेळेत टप्याटप्याने निधी वितरण केले जाणार आहे.

*नक्षलबाधित उपाययोजनांसाठी तीन जिल्हयांना 58 कोटी रूपयांची तरतूद*

गडचिरोली, गोंदिया, चंद्रपूर जिल्ह्यामध्ये पोलीस मदत केंद्रे,आत्मसमर्पित नक्षलवाद्यांचे पुनर्वसन, नक्षल हल्यामध्ये मृत्युमूखी पडलेल्या नागरिकांच्या वारसांना सानुग्रह अनुदान, जनजागरण मेळावे व इतर कामाकरीता एकूण 58 कोटीच्या सन 2020-21 च्या पुरवणी मागणीस मान्यता देण्यात आली आहे. यासाठी पालकमंत्री एकनाथ शिंदे यांनी वेळोवेळी पाठपुरावा केला होता.

India Dastak News TVhttps://www.indiadastaknewstv.com/
सुरज पी दहागावकर | मुख्य संपादक मो.न. 8698615848/9960020762
RELATED ARTICLES

तालुका कृषी अधिकाऱ्यांसह लिपिक अडकला एसीबीच्या जाळ्यात..एसबी पथकाची या आठवड्यातील ही दुसरी कारवाई

प्रितम गग्गुरी(उपसंपादक) गडचिरोली : राज्य कृषी यांत्रिकीकरण योजने अंतर्गत कम्बाईन हॉर्वेस्टर खरेदी केल्याने सबसिडीची रक्कम खात्यात जमा केल्याचा मोबदला म्हणून तक्रारदाराकडून ४० हजार रुपयांची लाच...

जुगल एस बोम्मनवार ह्या गडचिरोली जिल्हा भुषण पुरस्कार 2022 ने सन्मानित

प्रितम गग्गुरी(उपसंपादक) गडचिरोली:- ग्लोबल स्काॅलरश फाऊंडेशन, पुणे यांच्या कडून राज्य स्तरीय भूषण पुरस्कार प्रत्येक जिल्ह्यातील सामाजिक, शैक्षणिक व कृषी तथा उद्योजक क्षेत्रात उल्लेखनीय काम करणारी...

शासकीय कार्यालयात महिलेचा विनयभंग करणाऱ्या आरोपीस गडचिरोली पोलिसांनी केली अटक

प्रितम म.गग्गुरी (उपसंपादक) गडचिरोली : येथील जिल्हा परीषद कार्यालयात महीलेचा विनयभंग करणाऱ्या आरोपीस गडचिरोली पोलीसांनी केली अटक आहे. प्राप्त माहितीनुसार पिडीत महीला हि जिल्हा परीषद...

LEAVE A REPLY

Please enter your comment!
Please enter your name here

- Advertisment -

Most Popular

वनमंत्री चंद्रपूरचे असून सुद्धा शेतकरी भयभीत शेतकऱ्यांना वाचवा :जिल्हाध्यक्ष सुर्या अडबाले

  चंद्रपूर : संपूर्ण चंद्रपूर जिल्ह्यात जंगली प्राण्यांच्या हल्ल्यामुळे शेतकरी भयभीत आहेत वारंवार अश्या घटना जिल्ह्यात घडत आहेत अजून एक नवीन चंद्रपूर जिल्ह्यातील सावली तालुक्यातील...

बार्टी तर्फे एकदिवसीय जिल्हास्तरीय स्पर्धा परीक्षा मार्गदर्शन परिषद…

- दिनेश मंडपे ( कार्यकारी संपादक) नागपूर: बार्टी, प्रादेशिक कार्यालय, नागपूर येथे स्पर्धा परीक्षा मार्गदर्शन परिषद आयोजित करण्याचे आदेश दिनांक १९/०४/२०२२ ला मा. महासंचालक श्री....

अहेरी तालुक्यातील स्वस्त धान्य दुकानात राशन उपलब्ध करा…. सामजिक कार्यकर्ता संजय अलोणे सह गावकऱ्यांनी जिल्हा पुरवठा अधिका-याकडे केली मागणी..

प्रितम गग्गुरी(उपसंपादक) अहेरी - गेल्या तीन महिन्यांपासून तालुक्यातील स्वस्त धान्य दुकानात राशन उपलब्ध न झाल्याने राशन कार्ड धारकांना नाहक त्रास सहन करावा लागत असल्याची माहिती...

तालुका कृषी अधिकाऱ्यांसह लिपिक अडकला एसीबीच्या जाळ्यात..एसबी पथकाची या आठवड्यातील ही दुसरी कारवाई

प्रितम गग्गुरी(उपसंपादक) गडचिरोली : राज्य कृषी यांत्रिकीकरण योजने अंतर्गत कम्बाईन हॉर्वेस्टर खरेदी केल्याने सबसिडीची रक्कम खात्यात जमा केल्याचा मोबदला म्हणून तक्रारदाराकडून ४० हजार रुपयांची लाच...

Recent Comments

Advertisements
Advertisements
Don`t copy text!