सावली: जनावरे चराईसाठी घेऊन गेले असता दबा धरुन बसलेल्या वाघाने गुराख्याला जखमी केले. ही घटना गुरुवारी (ता.३१) सायंकाळी सहा वाजताच्या सुमारास घडली. रामदास बोरकुटे (रा. जिबगाव) असे जखमी गुराख्याचे नाव आहे.
गुराखी रामदास बोरकुटे हे नेहमीप्रमाने जनावरे चराईसाठी घेऊन गेले.सायंकाळी परत येताना दबा घालून बसलेल्या वाघाने बोरकुटे यांच्यावर हल्ला केला. यात तो किरकोळ जखमी झाला. घटनेची माहिती गावात मिळताच गावातील नागरिकांनी घटना स्थळावर धाव घेतली. जखमीला उपचाराकरिता सावली येथील ग्रामीण रुग्णालयात दाखल केले.
या घटनेची घटनेची माहिती वनविभागाला देण्यात आली आहे. घटनेचा पंचनामा करण्याकरीता वनरक्षक मुंडे यांनी जखमीची भेट घेतली. यावेळी सरपंच पुरुषोत्तम चुदरी, उपसरपंच इंदिराताई भोयर, सदस्य राकेश गोलेपल्लीवार, मोनिका उडिरवाडे उपस्थित होते.
