लोकशाहीत नाक दाबल्याशिवाय कोणी तोंड उघडत नाही – वामनराव चटप

0
388

चंद्रपुर- वैद्यकीय महाविद्यालय व रुग्णालयातील पाचशे कोविड योध्दे कंत्राटी कामगारांना 7 महिन्याच्या थकीत पगार व दोन वर्षांपूर्वी मंजूर झालेले किमान वेतन लागू करण्यात यावे या मागण्यांसाठी ८ फेब्रुवारी २०२१ पासून जिल्हाधिकारी कार्यालयासमोर जन विकास कामगार संघाच्या नेतृत्वात मुलं-बाळ व कुटुंबासह कामगारांचे डेरा आंदोलनाल सुरू आहे.

आज या आंदोलनाचा २१ वा दिवस होता. या आंदोलनाला स्वतंत्र भारत पक्ष व शेतकरी संघटनेचे नेते राजुरा विधानसभेचे माजी आमदार एडवोकेट वामनराव चटप , राजूरा नगरपालिकेचे माजी अध्यक्ष रमेश नळे नगरसेवक मधुकर चिंचोळकर तसेच अनिल बाळसराफ यांचे शिष्टमंडळाने भेट दिली.

यावेळी आंदोलनकर्त्या कामगारांना संबोधित करताना एडवोकेट चटप यांनी सरकार नावाची यंत्रणा मुकी,बहिरी व आंधळी असते. आपल्या लोकशाहीमध्ये नाक दाबल्याशिवाय कोणी तोंड उघडत नाही.त्यामुळे जोपर्यंत कामगारांच्या मागण्या पूर्ण होत नाही तोपर्यंत हे आंदोलन एक एकजुटीने रेटून धरा असे आवाहन करून कामगारांच्या मागण्या संदर्भात शासन व प्रशासनाच्या विविध स्तरावर पूर्ण ताकतीने लेखी पाठपुरावा करण्याचे आश्वासन त्यांनी दिले.

जमात -ए -इस्लामी हिंद च्या शिष्टमंडळाने सुद्धा डेरा आंदोलनाच्‍या मंडपामध्ये भेट देऊन आपले समर्थन जाहीर केले.या शिष्टमंडळांमध्ये जमाते-ऐ-इस्लामी हिंद चंद्रपूर- गडचिरोली चे जिल्हाध्यक्ष रफिक कुरेशी, खलील शेख , मुतांजीर अहमद खान व मजहर अली यांचा समावेश होता.डेरा आंदोलन म्हणजे कामगाराच्या हक्काची अनोखी लढाई असुन या आंदोलनाला सक्रिय समर्थन देण्याचे जमात-ए-इस्लामी हिंद चंद्रपूर-गडचिरोली चे जिल्हाध्यक्ष रफिक शेख यांनी यावेळी जाहीर केले.

LEAVE A REPLY

Please enter your comment!
Please enter your name here