Advertisements
Home चंद्रपूर ब्रम्हपुरी ब्रम्हपुरीला जिल्ह्यात रुपांतर करण्याचे स्वप्न लवकरच साकार होईल – पालकमंत्री विजय वडेट्टीवार

ब्रम्हपुरीला जिल्ह्यात रुपांतर करण्याचे स्वप्न लवकरच साकार होईल – पालकमंत्री विजय वडेट्टीवार

शेखर बोनगीरवार (जिल्हा प्रतिनिधी)

Advertisements

चंद्रपूर, दि. 23 : ब्रम्हपुरी विभागात मोठ्या प्रमाणात विकास कामे सुरू असून ‘ये तो ट्रेलर है, पिक्चर अभी बाकी है’, असे सांगत विकास कामांच्या माध्यमातून ब्रम्हपुरी शहराचे जिल्ह्यात रुपांतर करण्याचे येथील नागरिकांचे स्वप्न लवकरच साकार होईल व यासाठी आवश्यक नागरी सोयीसुविधा या भागात निर्माण करण्यात येत असल्याचे प्रतिपादन राज्याचे इतर मागास, बहुजन कल्याण, खार जमीन विकास, आपत्ती व्यवस्थापन, मदत व पुनर्वसन मंत्री तथा चंद्रपूर जिल्ह्याचे पालकमंत्री विजय वडेट्टीवार यांनी काल केले.
महाराष्ट्र सुवर्ण जयंती नगरोत्थान महाअभियान अंतर्गत नगरपरिषदेच्या ब्रम्हपुरी शहर पाणी पुरवठा योजनेचे भूमिपूजन पालकमंत्री विजय वडेट्टीवार यांचे हस्ते करण्यात आले, त्याप्रसंगी ते बोलत होते. यावेळी ब्रम्हपुरीच्या नगराध्यक्षा रीता उराडे, उपाध्यक्ष अशोक रामटेके, उपविभागीय अधिकारी क्रांती डोंबे, मुख्याधिकारी मंगेश वासेकर, महाराष्ट्र जीवन प्राधिकरणचे उपकार्यकारी अभियंता श्री. घोडमारे, सभापती विलास विखार, प्रीतेश बुरले, बाला शुक्ला, निलीमा सावरकर इ. प्रामुख्याने उपस्थित होते.
पालकमंत्री पुढे म्हणाले की, ब्रम्हपुरी विभागात गेल्या 30-35 वर्षापसून विकास कामे रखडली होती, मात्र मागील पाच वर्षापासून मोठ्या प्रमाणात विकास कामांना सुरवात झाली आहे. या 25 कोटी प्रकल्प किंमतीच्या नवीन पाणी पुरवठा योजनेसह येथील तहसिल कार्यालयाच्या इमारतीसाठी 15 कोटी, ग्रामीण रुग्णालयाकरिता 100 बेड तसेच अद्यावत शल्यचिकित्सागृह व इतर सर्व सोयीसुविधांसाठी अतिरिक्त 25 कोटी रुपये निधी, कृषी उत्पन्न बाजार समितीपुढील मैदानाला विकसित करण्यासाठी 22 कोटी, स्पर्धा परिक्षेच्या अभ्यासाकरिता सर्वसुविधायुक्त इ-ग्रंथालयालयासाठी 7 कोटी, रेल्वे उड्डाणपुलासाठी 75 कोटी रुपये, अंडरग्राउंड गटार योजना राबवून मच्छरमुक्त शहर करण्यासाठी 100 कोटी रुपये, शासकीय कर्मचाऱ्यांच्या निवासस्थानासाठी 30 कोटी, जलतरण तलावासाठी 4.5 कोटी, सर्व सुविधा युक्त क्रिडा संकुलसाठी 7 कोटी, अंतर्गत रस्त्यासाठी 10 कोटी, गार्डन, पोटतलावाचे सौदर्यीकरण, नगरपरिषद इमारतीचे व शहराचे सौदर्यीकरण, न्यायालयासाठी नवीन इमारत, ब्रम्हपुरी प्रवेशद्वारावर सौंदर्यीकरण, वन्यप्राण्यांचा शिरकाव गावात होऊ नये यासाठी चॅनल फेन्सींग, मागासवीर्गीय विद्यार्थ्यांकरिता ब्रम्हपुरीमध्ये तीन अतिरिक्त वस्तीगृह तसेच इतर मागास वर्गाच्या विद्यार्थ्यांकरिता दोन वस्तीगृह, इत्यादी विकास कामांना मंजुरी देण्यात आली आहे. यातील काही कामे पुर्ण झाली आहेत, काही सुरू आहेत तर काही प्रस्तावित आहेत. याशिवाय गोसिखुर्द सिंचन प्रकल्पाचे काम लवकर पुर्ण होऊन त्याचा फायदा येथील नागरिकांना मिळण्यासाठी मुख्यमंत्री महोदयांना विनंती केली असता त्यांनी कामाच्या जलद पुर्ततेसाठी वार्षिक 1000 कोटीच्या नियमित निधीव्यतिरिक्त 500 कोटी वाढीव निधी मंजूर केला असल्याचेही पालकमंत्री वडेट्टीवार यांनी सांगितले.
ब्रम्हपुरी येथे आवश्यक शैक्षणिक सुविधा, आयुर्वेदिक कॉलेज सुरू करून शैक्षणीक व मेडिकल हब बनविण्याचा विचार वडेट्टीवार यांनी प्रकट करून ‘सुजलाम सुफलाम ब्रम्हपुरी’ विकसित करण्यासाठी कटिबद्ध असल्याबाबत नागरिकांना आश्वस्त केले.
ब्रम्हपुरी शहरातील सध्याची पाणीपुरवठा योजना ही 1952 च्या लोकसंख्येनुसार नियोजित होती. मात्र आता शहराची लोकसंख्या 40 हजार असून पुढील 30 वर्षातील वाढीव लोकसंख्या विचारात घेवून या नवीन पाणीपुरवठा योजनेचे नियोजन करण्यात आले आहे. शासनाच्या निर्देशाप्रमाणे प्रती माणसी प्रती दिवस 135 लिटर पाणी मिळणे गरजेचे असतांना केवळ 60 लिटर पाणी मिळत आहे. पाणी पुरवठा योजनेतून सद्या 4.3 दशलक्ष लिटर पाणी उपलब्ध होत आहे. आजच्या लोकसंख्येनुसार 6.83 दशलक्ष लिटर पाण्याची आवश्यकता आहे तर 1951 च्या लोकसंख्येनुसार 9.83 दशलक्ष लिटर पाण्याची आवश्यकता राहणार आहे. वैनगंगा नदी येथे 12.33 दशलक्ष लिटर पाण्याचे आरक्षण असल्याने पुढील 30 वर्षासाठी ते पुरेसे ठरणार आहे. नवीन पाणी पुरवठा प्रकल्पाची किंमत 24.98 कोटी असून त्यात जलशुद्धीकरण केंद्र, नविन जलकुंभ तसेच एकूण 97.73 कि.मी. लांबीची पाणी वितरण व्यवस्था प्रस्तावित आहे.
यावेळी नगराध्यक्षा रीता उराडे, उपाध्यक्ष अशोक रामटेके, सभापती ॲड. शुक्ला यांनी शहरातील पाणीपुरवठा योजना व इतर विकास कामांची माहिती दिली.
कार्यक्रमाचे प्रास्ताविक मुख्याधिकारी मंगेश वासेकर यांनी केले. संचालन व आभार आरोग्य निरीक्षक आर.एस.ठोंबरे यांनी केले.
कार्यक्रमाला नगरपरिषदेचे नगरसेवक, अधिकारी व कर्मचारी तसेच नागरिक उपस्थित होते.

India Dastak News TVhttps://www.indiadastaknewstv.com/
सुरज पी दहागावकर | मुख्य संपादक मो.न. 8698615848/9960020762
RELATED ARTICLES

स्वच्छ्ता अभियान व जनजागृती झाकिने दुमदुमली ब्रम्हपुरी नगरी… सिनेकलावंतांनी भारावले प्रेक्षक – कृषि प्रदर्शनाने वेधले लक्ष

सांस्कृतिक, क्रीडा, कृषी,शैक्षणीक याचा वारसा जपणाऱ्या ब्रम्हपुरी महोत्सवाची आज नगर स्वच्छता अभियानाने व जनजागृती पर शहरातून निघालेल्या विवीध वेशभूषा झाकीने संपुर्ण ब्रम्हपुरी नगरी दुमदुमली.तर...

ब्रम्हपुरी महोत्सव – 2023.. नगर स्वच्छ्ता अभियानाने ब्रम्हपुरी महोत्सवास प्रारंभ…

ब्रम्हपुरी:मागील दोन वर्षांपासून कोरोणा या वैश्विक महामारी मुळे ब्रह्मपुरी महोत्सव आयोजनात विरजण पडले होते. मात्र यंदाचे वर्षी नववर्षाच्या प्रारंभात राज्याचे माजी कॅबिनेट मंत्री, ब्रह्मपुरी...

ब्रम्हपुरी महोत्सव निमीत्ताने महा आरोग्य शिबीराचे आयोजन..

सांस्कृतिक, क्रीडा, शैक्षणिक व आरोग्य अशा विविध समाज उपयोगी सामाजिक कार्याचा वारसा जपणाऱ्या ब्रह्मपुरी महोत्सव- 2023 चे आयोजन दि. 12 ते 15 जानेवारीला आयोजित...

LEAVE A REPLY

Please enter your comment!
Please enter your name here

- Advertisment -

Most Popular

मनेवार टायगर्स क्रिकेट क्लब यांच्या वतीने भव्य टेनिस बॉल क्रिकेट सामन्याचा आयोजन श्रीमंत राजे अम्ब्रीशराव महाराज यांच्या हस्ते क्रिकेट सामन्याचा उदघाटन

प्रितम म. गग्गुरी(उपसंपादक) आल्लापल्ली :- दिनांक २६ जानेवारी २०२३ ला मन्नेवार टायगर्स क्रिकेट क्लब यांच्या वतीने भव्य टेनिस बॉल(सर्कल)क्रिकेट सामन्यांचे आयोजन राजे धर्मराव हायस्कूल आल्लापल्ली...

प्रणालीने शालेय साहित्य वितरण करून साजरा केला वाढदिवस…

चंद्रपुर: आपला वाढदिवस हा केक कापून साजरा व्हावा असे प्रत्येकाला वाटते. त्यासाठी अनेकजण अवाढव्य खर्च करून आपला वाढदिवस साजरा करतात. परंतु प्रणाली दहागावकर या...

आयुष्मान कार्ड असेल तर मिळेल राव,पाच लाखांपर्यंतचा मोफत ईलाज..

बळीराम काळे जिवती : ( तालुका प्रतिनिधी) केंद्र सरकारच्या प्रधानमंत्री जन आरोग्य योजना राज्य राज्य सरकारने माहत्मा फुले जन आरोग्य योजनेचा अंतर्भाव करून,आयुष्मान भारत ही...

सिंदेवाही महीला शहर काँग्रेस तर्फे हळदी -कुंकू कार्यक्रमाचे आयोजन… हजारो महिलांची उपस्थिती – मकरसंक्रांत निमित वाणाचे वितरण…

सिंदेवाही- महीला शहर काँग्रेस तर्फे स्थानीक श्रवण लॉन सभागृहात मकरसंक्रांतीच्या पर्वावर हळदी- कुंकू तथा वान वितरणाचा कार्यक्रम पार पडला. याप्रसंगी प्रामुख्याने कार्यक्रमाच्या उद्घाटक म्हणून राज्याच्या...

Recent Comments

Advertisements
Advertisements
Don`t copy text!