Advertisements
Home आरोग्य गोजोली आरोग्य उपकेंद्राचा वाली कोण ?

गोजोली आरोग्य उपकेंद्राचा वाली कोण ?

शेखर बोंनगिरवार तालुका प्रतिनिधी

Advertisements

गोंडपिपरी तालुक्यातील धाबा प्राथमिक आरोग्य केंद्राअंतर्गत येत असलेले गोजोली येथे आरोग्य उपकेंद्र आहे. हे उपकेंद्र सध्या चर्चेचा विषय बनला असून या आरोग्य केंद्रात निवासी कर्मचारी पद कार्यरत असताना सुद्धा निवासी राहत नसल्याने या केंद्राअंतर्गत अनेक समस्या आ वासून उभ्या असताना याकडे आरोग्य विभागाचे दुर्लक्ष होत आहे. त्यामुळे या उपकेंद्राचा वाली कोण ? असे प्रश्न आता गावकऱ्यांमध्ये निर्माण झाले आहे.
तालुक्यातील धाबा हे सर्वात मोठे आरोग्य केंद्र आहे. याच केंद्राअंतर्गत गोजोली येथे उपकेंद्र आहे या उपकेंद्र अंतर्गत एकूण नऊ गावे समाविष्ट आहेत. या समाविष्ट गावातील नागरिकांची आरोग्य विषयक जबाबदारी या आरोग्य उप केंद्राची आहे. असे असताना देखील समाविष्ट गावातील नागरिक मात्र आरोग्य सेवेपासून वंचित राहिले आहे. या आरोग्य केंद्रात कार्यरत असलेली निवासी मुख्य आरोग्य सेविका ही मुख्यालयीन राहत नसून, तालुका ठिकाणी राहत असल्याने नेहमीच दुपारी बारा ते एक वाजता आरोग्य केंद्रात येत असते. लगेच पाच वाजायच्या आत हे आरोग्य उपकेंद्र बंद केल्या जाते. यानंतर या केंद्रात कुणीच फिरकत नसल्याने रात्र वेळी या केंद्रात शुकशुकाट दिसून येते.
कधी काळी रात्री-अपरात्री काही आजार उद्भवल्यास प्राथमिक उपचारासाठी सुद्धा तालुका ठिकाणी जावे लागत असल्याने खाजगी वाहनासाठी बरेच पैसे मोजावे लागत आहे. त्यामुळे सामान्य नागरिकांना आर्थिक भुर्दंड सहन करावा लागत आहे. या आरोग्य सेविकेच्या काळात रुग्णाला वेळेवर उपचार कधीच मिळत नसल्याची चर्चा परिसरात सुरू आहे. आरोग्य सेविकेच्या या मनमानी कारभारामुळे समाविष्ट गावातील नागरिक मात्र उपचाराअभावी त्रस्त झाले आहे. सदर प्रकरणाबाबत आरोग्य विभाग अनभिज्ञ कसा? या सर्व मनमानी कारभाराची योग्य ती चौकशी करून कार्यवाही करावी अशी मागणी गावकऱ्यांकडून होत आहे.

याच केंद्रांतर्गत प्रसूती केंद्र आहे, मात्र यासाठी आरोग्य सेविका (प्रसूती) ची उपलब्धता नसल्याने हे केंद्र आता नावालाच उरले आहे. लाखो रुपये खर्च करून उभारण्यात आलेल्या या प्रसूती केंद्र शोभेची वास्तु ठरली आहे. एकेकाळी हेच आरोग्य उपकेंद्र प्रसूतीसाठी जिल्ह्यात नावाजलेले होते. यानंतर आता मात्र हे आरोग्य उपकेंद्र फक्त नावालाच उरले असून समाविष्ट गावातील नागरिकांना प्रसूतीसाठी अनेक त्रास सहन करावे लागत आहे. अनेकदा रात्रीच्या वेळेस खाजगी वाहनांना अधिकचे पैसे मोजून प्रसूतीसाठी तालुक्याच्या ठिकाणी जावे लागत असल्याने नागरिकांनी याबाबत संताप व्यक्त करीत आहेत. आधीच कोरोना या आजाराने भयभीत असलेल्या जनतेला गावात उपचार उपलब्ध होत नसल्याने रिक्त पद त्वरित भरण्याची मागणी गावकऱ्यांकडून होत आहे.

कोट –
आरोग्य सेविका ही केंद्रात निवासी असायला पाहिजे, सदर प्रकरणाची चौकशी करण्यात येईल.

— डॉ. दिनेश चकोले
( T.M.O )

निवासी आरोग्य सेविका ही नुसती नावालाच असून, गावात नाहीच्या बरोबरीने सेवा देत आहे. त्यामुळे या आरोग्य सेविकेला निलंबित करून नवीन निवासी सेविका देण्यात यावी. व आरोग्य सेविका(प्रसूती) हे रिक्त पद त्वरित भरण्यात यावे.
— गिरिधर कोटनाके
सरपंच, ग्रामपंचायत गोजोली,

दिलेल्या वेळेत लसीकरण होत नाही
आरोग्य सेविकेच्या कामचुकारपणा मुळे अनेकदा स्तनदा व गरोदर महिलांना नाहक त्रास सहन करावा लागत आहे. सदर महिलांना लसीकरण ठरविण्यात आलेल्या दिवशी होत नसून नंतर हेच लसीकरण दोन तीन दिवसांनी दिल्या जाते, त्यामुळे अनेकदा गरोदर व स्तनदा मातांना दिवसभर लसीकरणासाठी वाट बघून परत घरी जावे लागत असल्याची चर्चा उपकेंद्र अंतर्गत समाविष्ट गावात सुरू आहे.

आरोग्य सेवक कर्तव्यावर नशेत
याच उप केंद्र अंतर्गत आरोग्य सेवक पदावर कार्यरत असलेले कर्मचारी सतत दारूच्या नशेत राहत असल्याने या सुद्धा कर्मचाऱ्यांकडून पाहिजे ती सेवा उपलब्ध होत नाही, अशी चर्चा परिसरात सुरू आहे. या सबंध बाबीकडे आरोग्य विभागाचे दुर्लक्ष होत आहे. सदर केंद्रातील कर्मचाऱ्यांची योग्य चौकशी करून कार्यवाही करावी अशी मागणी गावकऱ्यांकडून केल्या जात आहे.

India Dastak News TVhttps://www.indiadastaknewstv.com/
मुन्ना तावाडे | मुख्य संपादक, 9096780556
RELATED ARTICLES

धो- धो पावसातही काँग्रेसच्या ” गौरव यात्रेला ‘ दमदार सुरूवात…आझादी अमृत महोत्सव पदयात्रेला उत्स्फूर्त प्रतिसाद

देशाच्या स्वातंत्र्यासाठी काँग्रेसच्या थोर नेत्यांनी प्राणाची आहुती दिली. त्यांच्या बलिदान व देश निष्ठेने मिळालेले स्वातंत्र्य व जनसामान्यांना मिळालेले संविधानिक मूलभूत अधिकार यामुळे देशाने झपाट्याने...

गोंडपिपरी तालुका काँग्रेसची ९ ऑगस्ट रोजी आझादी गौरव पदयात्रा… करंजी ते आक्सापूर पदयात्रा: महाराष्ट्राचे माजी कॅबिनेट मंत्री विजय वडेट्टीवार व आमदार सुभाषभाऊ धोटे यांच्या...

गोंडपिपरी:  स्वातंत्र्याचा हीरक महोत्सव वर्षानिमित्त दिनांक ९ ऑगस्ट २०२२ रोजी महाराष्ट्र राज्याचे माजी कॅबिनेट मंत्री आ. विजयभाऊ वडेट्टीवार व राजुरा विधानसभा क्षेत्राचे लोकप्रिय आमदार...

वंचित बहुजन आघाडी तर्फे मोफत आरोग्य शिबीर संपन्न…

सिद्धार्थ दहागावकर (गोंडपीपरी तालुका प्रतिनिधी) दिनांक २ आगस्ट २०२२ रोज मंगळवारला वंचित बहुजन आघाडीचे जिल्हाध्यक्ष, सर्वांचे लाडके नेते, वंचिताच्या उन्नतीसाठी झगडणारे, तरुणांचे प्रेरणास्थान श्री. भूषणजी...

LEAVE A REPLY

Please enter your comment!
Please enter your name here

- Advertisment -

Most Popular

मजूर आई- बापावर कोसळला दुःखाचा डोंगर…एकुलता एक मुलगा नियतीने हिरावला… भिंत अंगावर कोसळून बारा वर्षीय मुलाचा जागीच मृत्यू

श्याम म्हशाखेत्री जिल्हा संपादक, चंद्रपुर चंद्रपुर: शहरातील पठाणपुरा रोडवरील जोडदेऊळ वॉर्ड इथे बारा वर्षीय मुलाच्या अंगावर अचानकपणे घराची भिंत कोसळल्याने दुर्दैवी मृत्यू झाल्याची धक्कादायक घटना घडली....

बल्लारपूर मनसेच्या महिलासेनेनी पोलीस बांधवाना राखी बांधून साजरा केला रक्षाबंधनाचा कार्यक्रम..

बल्लारपूर:- नेहमी समाजकार्यात अग्रेसर असनार्या महाराष्ट्र नवनिर्मान महिला सेनेच्या बल्लारपूर तालुका अध्यक्षा सौ. कल्पनाताई पोर्तलावार यांच्या नेतृत्वात दरवर्षी रक्षाबंधनाचा कार्यक्रम मोठ्या उत्साहात घेतला जातो...

गडचिरोली पोलीस दलाला आंतरराष्ट्रीय पुरस्कार

गडचिरोली - जिल्हा पोलिस दलाच्या पोलिस दादालोरा खिडकीच्या कार्याची दखल घेऊन नुकताच आंतरराष्ट्रीय स्तरावरील 'आयएसीपी', व्हर्जिनीया युनिव्हर्सिटी (इंटरनॅशनल असोसिएशन ऑफ चीफ्स ऑफ पोलिस)चा लीडरशिप इन...

नक्षली हल्ल्यात शहीद शूरवीरांना वाहिली आदरांजली

बळीराम काळे / जिवती जिवती:तालुक्यातील माराईपाटण येथे १० ऑगष्ट १९८९ रोजी झालेल्या नक्षलवादयांच्या भ्याड हल्ल्यात शाहिद पोलीस अधिकारी,कर्मचारी यांच्या समुर्थीप्रित्यर्थ पोलीस स्टेशन टेकामांडवाद्वारा आयोजित कार्यक्रमात...

Recent Comments

Advertisements
Advertisements
Don`t copy text!