चंद्रपूर:
रौप्य महोत्सवानिमित्त आ. वडेट्टीवारांची मातोश्री वृद्धाश्रमाला भेट
गेल्या पंचवीस वर्षापासून चंद्रपूर जिल्ह्यातील बल्लारपूर तालुका अंतर्गत येत असलेल्या विसापूर नजिकच्या मातोश्री वृद्धाश्रमाचा आज रौप्य महोत्सव पार पडला. यानिमित्ताने राज्याची माजी कॅबिनेट मंत्री काँग्रेस नेते आमदार विजय वडेट्टीवार यांनी मातोश्री वृद्धाश्रमाला भेट देऊन भारतीय समाजसेवा संस्थेअंतर्गत सुरू असलेल्या अविरत सेवेची मनसोक्त प्रशंसा करत मातोश्री वृद्धाश्रमाला सदिच्छा भेट दिली.
मातोश्री वृद्धाश्रमात दिलेल्या या सदिच्छा भेटी प्रसंगी राज्याचे माजी कॅबिनेट मंत्री वडेट्टीवार यांच्या समवेत काँग्रेस ग्रामीण जिल्हाध्यक्ष प्रकाश देवतळे, युवक जिल्हाध्यक्ष राजेश अडुर, रमिज शेख,रूचीत दवे, कुणाल सहारे, करीम भाई, व बहुसंख्य काँग्रेस कार्यकर्ते उपस्थित होते.
समाजात जन्म घेतलेल्या प्रत्येकाला समाजाचे देणे असते. स्वतःसाठी जगण्यासोबतच इतरांचेही दुःख जाणून घेणारे समाजात फार कमी आढळतात. अशातच गेल्या पंचवीस वर्षापासून आयुष्याच्या उत्तरार्धात समाजातील काही संततीनी आपल्या जन्मदात्यांचा त्याग करून त्यांच्या संगोपनात दुर्लक्ष केले. अशा वयोवृद्धांची काळजी घेत त्यांना अन्न, वस्त्र, निवारा व आपुलकीच्या मायेची सावली देत सांभाळ करणाऱ्या भारतीय समाजसेवा संस्थेने गेल्या पंचवीस वर्षापासून अविरत सेवा केली. अशा समाजसेवी संस्थेचे कार्य अतुलनीय असून ते नव्या पिढीला प्रेरणा देणारे आहे असे प्रतिपादन राज्याचे माजी कॅबिनेट मंत्री, काँग्रेस नेते, आ. विजय वडेट्टीवार यांनी केले. यावेळी भारतीय समाजसेवा संस्थेच्या वतीने राज्याचे माजी कॅबिनेट मंत्री, काँग्रेस नेते ,आ. विजय वडेट्टीवार यांचा सत्कार करण्यात आला. याप्रसंगी प्रामुख्याने भारतीय समाजसेवा संस्थेच्या संस्थापक अध्यक्ष माजी मंत्री शोभाताई फडणवीस, डॉ. रजनीताई हजारे, तसेच संस्थेचे अन्य पदाधिकारी व बहुसंख्य उपस्थित नागरिक उपस्थित होते.
