Homeनागपूरबार्टी प्रादेशिक कार्यालयात मदत केंद्र सुरु

बार्टी प्रादेशिक कार्यालयात मदत केंद्र सुरु

दिनेश मंडपे
कार्यकारी संपादक

नागपुर: डॉ.बाबासाहेब आंबेडकर संशोधन व प्रशिक्षण संस्था बार्टी प्रादेशिक कार्यालय नागपूर येथे मा. धम्मज्योती गजभिये,महासंचालक,बार्टी,पुणे यांच्या संकल्पनेतून विद्यार्थी व नागरिकांसाठी मदत केंद्राची सुरुवात करण्यात आली.
सदर मदत केंद्राचे रीतसर उद्घाटन मा. सुकेशीनी तेलगोटे (सहाय्यक आयुक्त, समाजकल्याण,नागपुर),मा. आशा कवाडे ( संशोधन अधिकारी जिल्हा जात प्रमाणपत्र पडताळणी समिती नागपुर) व मा. रितेश गोंडाने ( कार्यालयीन अधीक्षक बार्टी पुणे तथा समनव्यक बार्टी नागपूर) यांच्या हस्ते करण्यात आले.
सर्वसामान्य नागरिकांना व विद्यार्थ्यांना बार्टी,सामाजिक न्याय विभाग तसेच जात प्रमाणपत्र यासंदर्भात माहिती देणे तसेच येणाऱ्या अडचणी सोडवणे हा या मदत केंद्राचा उद्देश असून जास्तीत जास्त गरजू लोकांनी बार्टी कार्यालयास भेट देऊन आपल्या समस्या मदत केंद्रात मांडल्या पाहिजेत असे आव्हान देखील याप्रसंगी मा. रितेश गोंडाने यांनी केले.
बार्टीच्या या आगळ्यावेगळ्या लोकउपयोगी उपक्रमाचे कौतुक करताना मा. सुकेशीनी तेलगोटे यांनी मदत केंद्राच्या ठिकाणी एक सजेशन बॉक्स ठेवावा व येणाऱ्या लोकांच्या समस्या जाणून त्यांची मदत करावी असे सांगितले सोबतच हा उपक्रम अतिशय प्रेरणादायी असून या उपक्रमाबाबत त्यांनी मा. महासंचालक धम्मज्योती गजभिये यांचे आभार देखील मानले.
याकार्यक्रमाचे सूत्रसंचालन श्री तुषार सूर्यवंशी (प्रकल्प अधिकारी ) तर आभार कु.शीतल गडलिंग (प्रकल्प अधिकारी) यांनी मानले.कार्यक्रमाकरिता ज्योती करवाडे ( प्रकल्प अधिकारी),हृदय गोडबोले (प्रकल्प अधिकारी),प्रीती दुरुगकर (उपलेखापाल),श्री नागेश वाहुरवाघ (प्रकल्प समन्वयक) ,सुनील काकडे व बार्टी नागपूर मधील समतादूत व विविध सामाजिक संघटनेचे प्रतिनिधी उपस्थित होते..

India Dastak News TV
India Dastak News TVhttps://www.indiadastaknewstv.com/
सुरज पी दहागावकर | मुख्य संपादक मो.न. 8698615848/9960020762
RELATED ARTICLES

LEAVE A REPLY

Please enter your comment!
Please enter your name here

- Advertisment -

Most Popular

Recent Comments

Don`t copy text!