Advertisements
Home चंद्रपूर कोरोनाच्या भीतीमध्ये आपण काय करू शकतो? सुरज पि.दहागावकर (उपसंपादक इंडिया दस्तक न्यूज...

कोरोनाच्या भीतीमध्ये आपण काय करू शकतो? सुरज पि.दहागावकर (उपसंपादक इंडिया दस्तक न्यूज टीव्ही) यांचा प्रबोधनात्मक लेख…

गेल्या एक-दीड वर्षापासून राज्यातच -देशातच नव्हे तर अख्या जगात कोरोनाने थैमान घातले आहे. परिस्थिती हाताबाहेर गेली, आरोग्य व्यवस्था कोडमडली, उपचार वेळेवर न मिळाल्याने कित्येकजण दगावली, वाढदिवसाच्या शुभेच्छा दिसायच्या जागी भावपूर्ण श्रद्धांजलीचे मॅसेज दिसू लागली, कोरोनातून बरे होणाऱ्याकडे मीडिया गेली नाही परंतु स्मशानभूमीतील ग्राऊंड रिपोर्ट देऊ लागली, आज एवढी मेली, काल एवढी गेली अश्या कित्येक ब्रेकींग बातम्या टीव्ही वाल्यांच्या हेडलाईन बनत गेली. खरंतर हे सारं बघत असतांना मनात ‘भीती’ मात्र ठाण मांडून बसत गेली. मग आपण ही भीती दूर करण्यासाठी काय करू शकतो यावर विचारमंथन होणे अत्यंत आवश्यक आहे.

Advertisements

■ टीव्ही बंद करा: हल्ली आपण कोणतेही न्यूज चॅनेल उघडून बघा, मग ते स्थानिक असो, राज्य पातळीवरील असो, राष्ट्रीय पातळीवरील असो वा असो आंतरराष्ट्रीय पातळीवरील (काही अपवाद असेलही) हमखास कोरोनाबद्दलच दिवसभर ब्रेकिंग बातम्या चालत असतात. महत्वाचं म्हणजे या चॅनेलवाल्यांच्या बातम्या या दिलासादायक कमी आणि भीतीदायक जास्त असतात हे दिसून आले आहे. तेव्हा आपला टीव्ही हा काही दिवसासाठी बंद करा.

■ परिवाराला वेळ द्या: कोरोना येण्याआधी आपण पाहिजे तितका वेळ आपल्या परिवाराला/नातेवाईकांना देत नव्हतो. तेव्हा आपण कुठेही बाहेर न निघता, परिवाराला पूर्णपणे सुरक्षित ठेऊन घरीच राहावे. घरी राहून आई-वडील, पत्नी,पती, मित्र-मैत्रिणी, मुला-मुलींना तसेच इतरांना वेळ द्यावा. आपला वेळ परिवाराला दिला तर नक्कीच बिनकामाचा विचार आपण करणार नाही आणि यातून खरोखरच आपल्यासोबत सर्वाना समाधान मिळेल.

■ स्वतःला ओळखा: प्रत्येकामध्ये काहींना काही गुण असतातच. फरक एवढाच की, काहीजण त्याला ओळखतात तर काहीजण नाही. तेव्हा आता लॉकडाऊनमुळे आपल्याकडे भरपूर वेळ आहे. तो वेळ स्वतःला ओळखण्यासाठी द्या! तासंनतास कोरोनाच्या बातम्या वाचण्यापेक्षा/बघण्यापेक्षा हे निश्चितच फायदेशीर होईल.

■ स्वतःच्या सवयी जपा: मित्रांनो, अश्या स्थितीमध्ये आपले छंद, सवयींना वाव द्या. त्यांचे जतन करा. होईल तेवढं स्वतःकडे असलेल्या स्किलमध्ये तरबेज होण्याचा प्रयत्न करा. सध्या तुमच्याकडे भरपूर वेळ आहे तेव्हा वेळेचा सदुपयोग करून नवीन गोष्टी शिकण्याचा प्रयत्न करा.

■ सोशल मीडियाचा वापर टाळा: सोशल मीडियाचा वापर आवश्यक असेल तरच करा. कारण व्हाट्सअप्प,फेसबुक युनिव्हर्सिटीचे कोरोना विषयक मॅसेज हे जास्तीत जास्त खोटे,अफवा पसरविणारे आणि भीती दाखविणारे येत आहेत. त्यामुळे गरज असेल तरच सोशल मीडियाचा वापर करा पण शक्यतो वापर टाळण्याचा प्रयत्न करा.

■आवडणारी पुस्तके वाचा: खरंतर पुस्तकात एकदाचे पूर्णपणे मन गुंतले की, बाहेर काय सुरू आहे याची काही माहिती नसते. तेव्हा मिळालेल्या वेळेचा वापर छान-छान पुस्तके वाचण्यासाठी करा. पुस्तकातील महत्वाच्या गोष्टी नोंद करून ठेवा. आवडणारी पुस्तके पुन्हा पुन्हा वाचा यातून आपण प्रत्येकवेळी काहीतरी नवीन ज्ञान आत्मसात करण्याचा प्रयत्न कराल.

■ प्रवास टाळा: या कोरोनामुळे का असेना आपल्याला हे माहिती झालं की, कमी लोकांच्या उपस्थितीमध्ये सुद्धा कार्यक्रम, समारंभ संपन्न होऊ शकतात. घरी राहून सुद्धा अनेक कामे केल्या जाऊ शकतात. तेव्हा अतिमहत्वाच्या कामाशिवाय घराबाहेर पडू नका. स्वतःची, कुटुंबाची काळजी घ्या!

■ सकारात्मक राहावे: कोरोनाने सर्वांचे कंबरडे जरी मोडले असेल तरीही एक वाक्य लक्षात ठेवा *”ही वेळ निघून जाईल.”* तेव्हा या गंभीर वातावरणात घाबरून जाऊ नका, मानसिक ताणतणाव वाढू देऊ नका. स्वतःला सुरक्षित ठेऊन सकारात्मक राहण्याचा प्रयत्न करा. नक्कीच ही वेळ सुद्धा निघून जाईल.

■ मानसिक मदत करा: कोरोनामुळे जगात परिस्थितीच अशी आली आहे की, इच्छा असतांना देखील एखाद्याला आपण सहकार्य करू शकत नाही. तेव्हा नाही जमत असेल प्रत्यक्षात भेटणे, मदत करणे तर किमान स्वतः सकारात्मक होऊन समोरच्याला मानसिक समाधान द्यावे. शारीरिक अंतर जरी वाढत गेले तरीही मानसिक अंतर वाढता कामा नये.

शेवटी एकच सांगणं आहे की, कोरोनाची भीती अवश्य बाळगावी जोपर्यत आपण पॉसिटीव्ह येत नाही परंतु एकदा काय आपण पॉसिटीव्ह आलात तर घाबरू नका,हिंमत ठेवा जोपर्यंत आपण पुर्णपणे बरे होत नाही…

सुरज पि. दहागावकर
चंद्रपुर
8698615848

India Dastak News TVhttps://www.indiadastaknewstv.com/
सुरज पी दहागावकर | मुख्य संपादक मो.न. 8698615848/9960020762
RELATED ARTICLES

सिंदेवाही महीला शहर काँग्रेस तर्फे हळदी -कुंकू कार्यक्रमाचे आयोजन… हजारो महिलांची उपस्थिती – मकरसंक्रांत निमित वाणाचे वितरण…

सिंदेवाही- महीला शहर काँग्रेस तर्फे स्थानीक श्रवण लॉन सभागृहात मकरसंक्रांतीच्या पर्वावर हळदी- कुंकू तथा वान वितरणाचा कार्यक्रम पार पडला. याप्रसंगी प्रामुख्याने कार्यक्रमाच्या उद्घाटक म्हणून राज्याच्या...

भारतीय समाज सेवा संस्थेचे कार्य अतुलनीय – माजी मंत्री वडेट्टीवार रौप्य

चंद्रपूर:  रौप्य महोत्सवानिमित्त आ. वडेट्टीवारांची मातोश्री वृद्धाश्रमाला भेट गेल्या पंचवीस वर्षापासून चंद्रपूर जिल्ह्यातील बल्लारपूर तालुका अंतर्गत येत असलेल्या विसापूर नजिकच्या मातोश्री वृद्धाश्रमाचा आज रौप्य महोत्सव पार...

स्वराज्य फाउंडेशन आलापल्लीच्या सामाजिक कार्याचा गौरव..

प्रितम म. गग्गुरी(उपसंपादक) आलापल्ली : आज २६ जानेवारी प्रजासत्ताक दिनानिमित्त आल्लापल्ली येथील फारेस्ट ग्राउंड(क्रिडा संकुलंन) या ठिकाणी आज ठिक ७:३० वाजता ध्वजारोहणाचा कार्यक्रम करण्यात आले...

LEAVE A REPLY

Please enter your comment!
Please enter your name here

- Advertisment -

Most Popular

मनेवार टायगर्स क्रिकेट क्लब यांच्या वतीने भव्य टेनिस बॉल क्रिकेट सामन्याचा आयोजन श्रीमंत राजे अम्ब्रीशराव महाराज यांच्या हस्ते क्रिकेट सामन्याचा उदघाटन

प्रितम म. गग्गुरी(उपसंपादक) आल्लापल्ली :- दिनांक २६ जानेवारी २०२३ ला मन्नेवार टायगर्स क्रिकेट क्लब यांच्या वतीने भव्य टेनिस बॉल(सर्कल)क्रिकेट सामन्यांचे आयोजन राजे धर्मराव हायस्कूल आल्लापल्ली...

प्रणालीने शालेय साहित्य वितरण करून साजरा केला वाढदिवस…

चंद्रपुर: आपला वाढदिवस हा केक कापून साजरा व्हावा असे प्रत्येकाला वाटते. त्यासाठी अनेकजण अवाढव्य खर्च करून आपला वाढदिवस साजरा करतात. परंतु प्रणाली दहागावकर या...

आयुष्मान कार्ड असेल तर मिळेल राव,पाच लाखांपर्यंतचा मोफत ईलाज..

बळीराम काळे जिवती : ( तालुका प्रतिनिधी) केंद्र सरकारच्या प्रधानमंत्री जन आरोग्य योजना राज्य राज्य सरकारने माहत्मा फुले जन आरोग्य योजनेचा अंतर्भाव करून,आयुष्मान भारत ही...

सिंदेवाही महीला शहर काँग्रेस तर्फे हळदी -कुंकू कार्यक्रमाचे आयोजन… हजारो महिलांची उपस्थिती – मकरसंक्रांत निमित वाणाचे वितरण…

सिंदेवाही- महीला शहर काँग्रेस तर्फे स्थानीक श्रवण लॉन सभागृहात मकरसंक्रांतीच्या पर्वावर हळदी- कुंकू तथा वान वितरणाचा कार्यक्रम पार पडला. याप्रसंगी प्रामुख्याने कार्यक्रमाच्या उद्घाटक म्हणून राज्याच्या...

Recent Comments

Advertisements
Advertisements
Don`t copy text!