प्रतिनिधी नितेश खडसे
गडचिरोली:- दिनांक १९ फेब्रुवारी २०२५ रोजी मा. चंद्रशेखरजी बावनकुळे महसूल मंत्री म. राज्य यांच्या प्रमुख उपस्थितीत गडचिरोली येथे एका विशेष कार्यकर्ता संवाद बैठकीचे आयोजन करण्यात आले. या बैठकीत पक्षाच्या विविध स्तरांवरील कार्यकर्त्यांनी मोठ्या संख्येने सहभाग घेतला, ज्यामुळे आगामी निवडणुकांच्या पार्श्वभूमीवर संघटनात्मक बांधणी आणि कार्यकर्त्यांचे मनोबल वाढवण्यावर भर देण्यात आला.
बैठकीच्या सुरुवातीला बावनकुळे यांनी कार्यकर्त्यांशी थेट संवाद साधला. त्यांनी सध्याच्या राजकीय परिस्थितीवर प्रकाश टाकत, कार्यकर्त्यांनी लोकांमध्ये जाऊन सरकारच्या योजना आणि विकासकामांची माहिती पोहोचवावी असे आवाहन केले. “प्रत्येक कार्यकर्त्यांनी बूथ स्तरावर सक्रिय राहून लोकांच्या समस्या जाणून घ्याव्यात आणि त्या सोडवण्यासाठी प्रयत्न करावेत. लोकांच्या मनात विश्वास निर्माण करणे हे आपले प्रमुख कर्तव्य आहे,” असे ते म्हणाले.
यावेळी त्यांनी कार्यकर्त्यांना मार्गदर्शन करताना, पक्षाची विचारसरणी आणि ध्येयधोरणे लोकांपर्यंत पोहोचवण्याचे महत्त्व पटवून दिले. “डिजिटल माध्यमांचा योग्य वापर करून आपण अधिक लोकांपर्यंत पोहोचू शकतो. विरोधकांच्या अपप्रचाराला प्रभावीपणे प्रत्युत्तर देण्यासाठी कार्यकर्त्यांनी सज्ज रहावे,” असे सांगितले.
बैठकीत विविध जिल्ह्यांतून आलेल्या कार्यकर्त्यांनी आपापल्या भागातील अनुभव आणि समस्या मांडल्या. प्रत्येक कार्यकर्त्याने विचारलेल्या प्रश्नांची उत्तरे दिली आणि त्यांच्या शंकांचे निरसन केले. त्यांनी कार्यकर्त्यांना सांगितले की, पक्ष नेहमीच त्यांच्या पाठीशी उभा आहे आणि त्यांच्या समस्या सोडवण्यासाठी कटिबद्ध आहे.
या बैठकीमुळे कार्यकर्त्यांमध्ये नवचैतन्य संचारले असून, आगामी काळात पक्षाला अधिक बळकटी देण्यासाठी ते अधिक उत्साहाने काम करतील असा विश्वास व्यक्त करण्यात आला.त्यावेळी उपस्थित मा. श्री. रमेशजी बारसागडे जिल्हा अध्यक्ष, मा. श्री. डॉ. अशोकजी नेते राष्ट्रीय महामंत्री तथा माजी खासदार, मा. श्री. मिलिंदजी नरोटे आमदार गडचिरोली विधानसभा क्षेत्र, माजी आ. देवरावजी होळी, माजी आ. कृष्णाजी गजभिये, माजी आ. नामदेवजी उसेंडी, मा. माजी जिल्हाध्यक्ष बाबुरावजी कोहळे, मा. किशन जी नागदेवे, मा. प्रशांत जी वाघरे, मा. रेखाताई डोळस महाराट्र प्रदेश चिटणीस, भाजपा प्रदेश सदस्य रमेश जी भुरसे, रवीजी ओलारवार, महामंत्री प्रकाशजी गेडाम, गोविंदजी सारडा, गीता हिंगे, जिल्हा अध्यक्ष योगिता ताई पिपरे, किसान मोर्चा चे अध्यक्ष विलास पाटील भांडेकर, प्रमोद जी पिपरे लोकसभा समन्वयक, मधुकर जी भांडेकर युवा मोर्चा अध्यक्ष, अल्पसंख्यांक आघाडी अध्यक्ष बबलू भाई हुसेनी, डॉ. चंदाताई कोडवते, प्रकाश जी कुत्तरमारे, अनिल जी पोहनकर, दत्तू सुत्रपवार, अनिल जि कुणघाडकर, एडवोकेट विजयजी चाटे, सलीमजी शेख, जनार्दन जी साखरे, प्रीती शंभरकर, अर्चना बोरकुटे, पारधी ताई, रोशनी वरघंटे, मीनाताई कोडाप, प्रतिभाताई चौधरी, संगीता रेवतकर, मुक्तेश्वर जी काटवे,साजन गुंडावार, संजयजी सरकार, सुनील विश्वास, तपन सरकार, व भरपूर संख्येने कार्यकर्ते उपस्थित होते
