जिवती (ता.प्र.) : तालुक्यातील माराईपाटण येथून एक किमी अंतरावर नक्षलवाद्यानी १० आगस्ट १९८९ रोजी कट रचून भ्याड हल्ला केला होता. यात आठ पोलीस अधिकारी, कर्मचारी शहीद झाले होते. त्यांच्या महान बलिदानाच्या स्मृती प्रित्यर्थ पोलीस स्टेशन टेकामांडवा द्वारा आयोजित विविध कार्यक्रमात सकाळी ९ वाजता शहीद स्मारक येथे पोलीस आधिक्षक, मम्मका सुदर्शन,उपविभागीय पोलीस अधिकारी, रवींद्र जाधव यांच्या प्रमुख उपस्थितीत शहीद हुतात्म्यांना सलामी देऊन आदरांजली अर्पण करण्यात आली.
याप्रसंगी जिवतीचे पोनि प्रवीण जाधव, पोनि, कोरपनाचे प्रभारी पोलीस अधिकारी देवानंद केकन, टेकामांडवाचे जगन्नाथ मडावी, पिट्टीगुडाचे उपोनी विष्णू भांडवले, पाटणचे सपोनि सुधाकर कोकाडे, इतर कर्मचारी व परिसरातील गावातील नागरिकांची उपस्थिती होती. उपविभागीय पोलीस अधिकारी यांनी मनोगत व्यक्त केले. तसेच उपस्थित मान्यवरांनीही मार्गदर्शन केले.३६५ दिवस चालणाऱ्या पालडोह, शाळेचे शिक्षक गजानन राठोड,टेकामांडवा ,विद्यानिकेतन इंग्लिश मिडयम शाळा शेणगाव,गुणवंत विद्यालय टेकामांडवा,जयस्वाल आश्रम शाळा टेकामांडवा, व माराईपाटण येथील शाळेतील विद्यार्थ्यांनी देशभक्ती गीतावर नृत्य सादर केले.
पोलीस आधिक्षक व उपविभागीय पोलीस अधिकारी यांच्या संकल्पनेतून नक्षलग्रस्त व दुर्गम भागातील नागरिकांचे व पोलीस प्रशासनाचे संबंध वृद्धिंगत व्हावे यासाठी आयोजित भव्य नेत्र शिबिरात तज्ज्ञ डॉक्टरांमार्फत ३० नागरिकांच्या डोळ्यांची तपासणी करून त्यातील १ जणांना पुढील ऑपरेशन करिता रेफर करण्यात आले. तसेच पोलीस अधिकारी व कर्मचारी सदर कार्यक्रमास माराई पाटणचे पो.पा.राहुल सोनकांबळे, कुंभेझरीचे पोपा.संतोष गोतावळे
,पोपा.चंद्रकला वारलवाड, तंटा मुक्त समिती अध्यक्ष यादवराव कोटनाके,ग्राम पंचायत सरपंच, शशिकला सितू कोटनाके, उपसरपंच विकास सोनकांबळे, ग्राम पंचायत सदस्य शीतल मोहन कांबळे,
जी.प.माराईपाटण शाळेचे मुख्याध्यापक अतुल गोस्वामी,सहायक शिक्षक राऊत सर,वाकुडकर सर,शीतल मॅडम, टेकामांडवा शिक्षक दिपक गोतावळे,पांचाळ सर,सामाजिक कार्यकर्ते, बळीराम काळे,शेषराव कांबळे,गौतम लव्हराळे, शरद कांबळे, प्रदीप काळे, माझी उपसरपंच प्रल्हाद काळे,उमेदच्या कॅडर संगीता काळे, प्रियंका काळे व बचत गटातील महिला,पालडोह शाळेचे शिक्षक गजानन राठोड सर, टेकामांडवा शाळेचे शिक्षक दीपक गोतावळे सर यांच्यासह विद्यार्थ्यांची व नागरिकांची मोठ्या संख्येत उपस्थिती होती.
प्रास्ताविक टेकामांडवा पो.स्टेशन पो.नि.जगन्नाथ मडावी यांनी केले.तर जि.प.शाळेचे शिक्षक दीपक गोतावळे सर यांनी सूत्रसंचालन व आभार प्रदर्शन व्यक्त केले.
