जनसेवा हीच खरी ईश्वर सेवा या उदांत हेतूने गेल्या अनेक वर्षांपासून मतदार संघातील नागरिकांच्या आरोग्याची काळजी घेणारे राज्याचे विरोधी पक्ष नेते तथा ब्रह्मपुरी विधानसभा क्षेत्र आमदार यांच्या संकल्पनेतून तालुका काँग्रेस कमिटी सिंदेवाही च्या वतीने तालुक्यातील मोहाडी (नलेश्वर) येथे नुकतेच मोफत नेत्ररोग तपासणी व चष्मे वाटप शिबिराचे आयोजन करण्यात आले होते.
याप्रसंगी सिंदेवाही तालुका काँग्रेसचे ज्येष्ठ नेते बाबुराव गेडाम, कृषी उत्पन्न बाजार समितीचे संचालक जानकीराम वाघमारे, माजी सरपंच अभिमन्यू नैताम, ग्रामपंचायत जामसाळा सरपंच भेदुरकर, पराग दोडके, भास्कर चौधरी तुळशीदास गेडाम प्रामुख्याने शिबिराच्या उद्घाटन समारंभास उपस्थित होते.
मोहाडी (नलेश्वर) येथे आयोजित सदर शिबिरादरम्यान परिसरातील गावातील एकूण ७७५ रुग्णांनी या नेतृत्व शिबिराचा लाभ घेतला. तपासणी अंती ६५६ इतक्या रुग्णांना मोफत चष्मे वाटप करण्यात आले. तर इतर संभाव्य नेत्ररोगींना नेत्रासंबंधी विकाराचे औषध उपचार मोफत रित्या देण्यात आले. गेल्या अनेक वर्षांपासून मानव सेवा हीच खरी ईश्वर सेवा या उदांत हेतूने राज्याचे विरोधी पक्षनेते तथा ब्रह्मपुरी विधानसभा क्षेत्र आमदार विजय वडेट्टीवार यांनी आपल्या पुढाकारातून तसेच तालुका काँग्रेस कमिटी सिंदेवाही च्यावतीने विविध आरोग्य शिबिरे आयोजित करून जनसामान्यांपर्यंत याचा लाभ पोहोचविला. अशा विविध शिबिरातून आजवर हजारोंच्या संख्येने नागरिकांना आरोग्य सेवेचा लाभ मिळाला असून यात नागरिकांच्या विविध शस्त्रक्रिया, कर्करोग निदान व उपचार, नेत्ररोग तपासणी व मोफत चष्मे वाटप, रक्तदान शिबिरे यांचा समावेश आहे
