चंद्रपूर: भद्रावती येथील मांगली गावातील जगन्नाथ बाबा मंदीरात दान पेटीतील पैसे चोरी करण्याकरीता चोरट्यांनी प्रवेश केला . त्या मंदिराची देखरेखे करण्याकरीता झोपले असता मृतक बाबुराव संभाजी खारकर (वय ८०), मृतक मधुकर लटारी खुजे (वय ६५ ) यांच्या डोक्यावर चोरट्यांनी हत्याराने वार करुन त्यांना ठार केले होते.ही घटना २३ मार्च २०२३ च्या रात्री घडली होती. या घटनेची माहीती मंगेश खारकर यांनी पोलीसांना दिली होती. त्यांच्या रिपोर्ट वरुन पोलीस स्टेशन , भद्रावती येथे अपराध क्रमांक १४०/२०२३ कलम ३०२, ४५८, ४६०, ३८० भादंविचा गुन्हा नोंद करण्यात आला.
सदर गुन्हयाचा तपास पोलीस अधीक्षक, चंद्रपूर यांच्या आदेशान्वये आयुष नोपानी, सहा. पोलीस अधीक्षक तथा उपविभागीय पोलीस अधिकारी वरोरा यांचे कडे देण्यात आला. मांगली येथील मंदीरामध्ये झालेल्या क्रृर दुहेरी हत्याकांडामुळे आजुबाजुच्या परिसरातील लोकांमध्ये दहशत निर्माण होवु नये म्हणुन सदर गुन्हयाचे गांर्भीय लक्षात घेवुन पोलीस अधीक्षक यांनी पोलीस स्टेशन तसेच स्थानिक गुन्हे शाखेची वेगवेगळी ८ विशेष तपास पथके तयार करुन सर्व दृष्टीकोणातुन तपास सुरु केला. पोलीस निरीक्षक महेश कोंडावार यांनी स्थानिक गुन्हे शाखेतील अधिकारी व अंमलदार यांचे वेगवेगळे विशेष पथके हत्याकांडातील आरोपींचा शोध घेण्यासाठी घटनास्थळ व आजुबाजुच्या परिसरात रवाना केले.
पोलासांनी गोपनिय माहिती व कौशल्यपुर्ण तपास करुन एका आरोपीस ताब्यात घेवुन गुन्हयाबाबत विचारपुस केली. त्याने त्याच्या साथीदारासह मौजा मांगली येथील जगन्नाथ बाबा मंदीरात दानपेटी मधील पैसे चोरी करण्यासाठी गेले होते मंदीराचे दार उघडत असतांना दाराच्या आवाजाने मृतक इसम जागे झाले. त्यांना चोरी करण्यास अडथळा निर्माण होवु नये व त्याचे बिंग फुटू नये या उद्देशाने त्यांनी अत्यंत कुरतेने त्यांच्या हातात असलेल्या हत्याराने मृतकांच्या डोक्यावर तसेच चेहऱ्यावर कुरपणे वार करुन जागीच जिवानिशी ठार केले. व मंदीरातील दानपेटी घेवुन पसार झाल्याचे निष्पन्न झाल्याने त्याला अटक करण्यात आले. नमुद आरोपीस प्रथम वर्ग न्यायदंडाधिकारी भद्रावती यांचे न्यायालयात (ता.७)ला हजर केले असता, मा. न्यायालयाने त्यास पाच दिवस पोलीस कोठडी रिमांड दिला असुन गुन्हयातील इतर आरोपींचा शोध सुरु आहे.
अत्यंत संवेदनशिल व गुंतागुतींच्या व क्लिष्ट स्वरुपाच्या गुन्ह्याचा बुध्दीचार्तुयाने कौशल्यपूर्ण तपास करुन गुन्हा उघडकीस आणण्याची कार्यवाही चंद्रपूरचे पोलीस अधीक्षक रविंद्रसिंह संतोषसिंह परदेशी,अपर पोलीस अधीक्षक रिना जनबंधु, सहा.पोलीस अधिक्षक तथा उपविभागीय पोलीस अधिकारी वरोराचे आयुष नोपानी, सुशिलकुमार नायक , महेश कोंडावार, विपीन इंगळे, जितेंद्र बोबडे, सुधीर वर्मा, अजित देवरे, विशाल मुळे, विनोद भुरले, अतुल कावळे, अमोल कोल्हे, अमोल तुळजेवार ,पोहवा संजय अतुकलवार, नितीन साळवे, प्रकाश बल्की, सुभाष गोहोकार, रजनीकांत पुठठेवार, विजय नागपूरकर, अली मुजावर, अर्जुन मडावी, नापोशि संतोष येलपुलवार, प्रशांत लारोकर, छगन जांभुळे, गोपाल अतकुलवार, नितीन रायपुरे, रविंद्र पंधरे, नरेश डाहुले, कुंदनसिंग बावरी, प्रांजल झिलपे, मिलींद जांभुळे, सतिश बगमारे, अमोल सावे, वैभव पत्तीवार, दिनेश अराडे यांनी केली. पुढील तपास आयुष नोपानी, उपविभागीय पोलीस अधिकारी वरोरा करीत आहेत.
