Home चंद्रपूर जिवती जादूटोणा संशय प्रकरण ; ०९ आरोपींची न्यायालयीन कोठडीत रवानगी तर ०४ ची...

जादूटोणा संशय प्रकरण ; ०९ आरोपींची न्यायालयीन कोठडीत रवानगी तर ०४ ची पोलीस कोठडी…शरीरावरील जखमा तर भरतील परंतु मानसिक आघाताचे काय?

दिपक साबने,जिवती

जादूटोना, करणी केल्याच्या संशयातून ७ वयोवृद्ध लोकांना गावातील चौकात दोरीने हातपाय बांधून अमानुषपणे मारहाण करण्यात आली. त्यापैकी ५ जनाला गंभीर दुखापत झाली आहे त्यात काहींचे हाड देखील मोडले आहे. या घटनेमुळे सर्व लोकांवर मानसिक आघात झाला आहे. शारीरिक जखमा एक न एक दिवस भरून निघतील परंतु या घटनेतून निरपराध लोकांवर जो मानसिक आघात बसला आहे तो कधी भरून निघेल हा प्रश्न अनुत्तरितच आहे.

चंद्रपूर जिल्ह्यातील अतिदुर्गम आदिवासी मानीकगड पहाडावरील जिवती तालुक्यातील वणी खुर्द या गावात जादूटोण्याच्या संशयावरून ७ जणांना भर चौकात लाकडाच्या खांबाला दोरीने हातपाय बांधून जबर मारहाण करण्यात आली. यात वयोवृद्ध गटातील महिला आणि पुरुष यांचा समावेश आहे. १) शांताबाई भगवान कांबळे वय ५३ वर्षे, २) शिवराज कांबळे वय ७४ वर्षे, ३) साहेबराव एकनाथ हुके वय ४८ वर्षे, ४) धम्मशिला सुधाकर हुके वय ३८ वर्षे, ५) पंचफुला शिवराज हुके वय ५५ वर्षे, ६) प्रयागबाई हुके वय ६४ वर्षे, ७) एकनाथ हुके वय ७० वर्षे
शनिवारी वणी खुर्द या गावात दोन महिलांच्या अंगात अचानक देवी संचारली. गावावर काही लोकांनी करणी केली असे सांगत त्या दोन महिलांनी पीडित लोकांची नावे घेतली त्या सर्व लोकांना गावातील चौकात आणण्यात आले, त्यांचे सर्वांचे दोरीने हातपाय बांधण्यात आले आणि त्यांना जबर मारहान करण्यात आली. सदर घटनेची माहिती जिवती पोलीस यांना कळताच त्यानी घटनास्थळी धाव घेतली त्यावेळी सुद्धा मारहाण सुरूच होती अखेर शर्थीच्या प्रयत्नांनी पीडितांना गावकर्यांच्या तावडीतून सुटका करण्यास पोलिसांना यश मिळाले.
पोलिस निरीक्षक संतोष अंबिके यांनी अंधश्रद्धा निर्मूलन कायद्याअंतर्गत गुन्हे दाखल करून आरोपी सुग्रीव रामाराव शिंदे, बालाजी कांबळे, दादाराव कोटबे, गोविंद संभाजी येरेकर, केशव श्रावण कांबळे, माधव तेलंगे, दत्ता शिवाजी भालेराव, सुरज कांबळे, सिद्धेश्वर शिंदे, दत्ता कांबळे, प्रकाश कोटबे, अमोल शिंदे, संतोष पांचाळ या १३ जणांना अटक करून राजुरा येथील न्यायालयात हजर करण्यात आले. त्यापैकी संतोष पांचाळ, प्रकाश कोटबे, दत्ता कांबळे, अमोल शिंदे यांना पोलीस कोठडी सूनवण्यात आली. तर उर्वरीत सुग्रीव रामाराव शिंदे, बालाजी कांबळे, दादाराव कोटबे, गोविंद संभाजी येरेकर, केशव श्रावण कांबळे, माधव तेलंगे, दत्ता शिवाजी भालेराव, सुरज कांबळे, सिद्धेश्वर शिंदे यांची न्यायालयीन कोठडीत रवानगी करण्यात आली.
या घटनेमुळे गावात तसेच महाराष्ट्र तेलंगणा राज्याच्या सीमावर्ती गावात तणाव निर्माण झाला आहे.
या प्रकारामुळे राज्याच्या पुरोगामी प्रतिमेला जबर धक्का बसला आहे. त्याच बरोबर ज्यांना मारहाण झाली त्यांना मानसिक आघात पोहोचला आहे. पुढील तपास सुशीलकुमार नायक, उपविभागीय पोलीस अधिकारी, गडचांदूर यांच्या मार्गदर्शनात संतोष अंबिके, सहा पोलीस निरीक्षक,पोलीस स्टेशन जिवती हे करीत आहेत.

India Dastak News TVhttps://www.indiadastaknewstv.com/
मुन्ना तावाडे | मुख्य संपादक, 9096780556
RELATED ARTICLES

स्वातंत्र्यानंतर पहिल्यांदाच मंत्राचा कोलामगुड्यावर मुक्काम;कोलम बांधवांच्या जाणून घेतल्या व्यथा…

बळीराम काळे /जिवती जिवती:जिल्ह्यातील अतिदुर्गम,अतिमागास,आदिवासी बहुल, दुर्गम भागातील सितागुडा या कोलामगुड्यावर बच्चू कडू,राज्यमंत्री यांनी त्यांच्यासोबत मुक्काम ठोकला. स्वातंत्र्यानंतर एखाद्या मंत्र्यांनी भेट देऊन आदिवासी गुड्यावर मुक्काम...

तालुक्यात वादळी वाऱ्यासह जोरदार पाऊस ; अनेक घरांची उडाली छपरे…रस्त्यांवरील दुकाने, प्रवासी व शेतकऱ्यांची एकच तारांबळ

बळीराम काळे/जिवती जिवती : रविवारी सायंकाळी अचानक वादळी वाऱ्यासह विजाच्या कडकडाटासह तालुक्यात पाऊस बरसला. याचा माराई पाटण, टेकामांडवा, हिमायतनगर, शेणगाव, टेकाअर्जुनी, धोंडाअर्जुनी, देवलागुडा, येल्लापूर, पालडोह...

आदिवासी सोसायटीवर गोंडवाना गणतंत्र पार्टीचा झेंडा काँग्रेस, राष्ट्रवादी काँग्रेस चा सुफडा साफ

बळीराम काळे/जिवती जिवती: आदिवासी विविध सहकारी कार्यकारी संस्था, जिवती येथील झलेल्या निवडणुकीत गोंडवाना प्रनित पॅनलच्या १३ पैकी १३ उमेदवारानी दणदणीत विजय प्राप्त करत काँग्रेस, राष्ट्रवादी...

LEAVE A REPLY

Please enter your comment!
Please enter your name here

- Advertisment -

Most Popular

यूजीसी नेट’च्या अर्जासाठी ३० मेपर्यंत मुदतवाढ

पुणे : विद्यापीठ अनुदान आयोगाच्या राष्ट्रीय पात्रता परीक्षेच्या (यूजीसी नेट) अर्जासाठी मुदतवाढ देण्यात आली आहे. आता उमेदवारांना ३० मेपर्यंत अर्ज भरता येईल. यूजीसीचे अध्यक्ष प्रा....

राष्ट्रवादीच्या पती- पत्नी नगरसेवकानी प्रभागाच्या विकासासाठी मागितला दोन कोटींचा निधी…

गोंडपिपरी(सुनील डी डोंगरे) येथील नगरपंचायतीचे नगरसेवक महेंद्रसिंह चंदेल ,त्यांच्या नगरसेविका पत्नी सौ सविता महेंद्रसिंह चंदेल यांनी आपापल्या प्रभागाच्या विकासासाठी दोन कोटी रु च्या निधीची मागणी...

राजुऱ्याच्या रेतीमाफियांनी उडवली गोंडपिपरीकरांची झोप…# महसूल विभागाच्या कार्यप्रणालीवर प्रश्नचिन्ह…# रात्रंदिवस चालणाऱ्या बेलगाम रेतीवाहतूकीला ब्रेग लागणार का ? तालुकावासियांचा सवाल

गोंडपिपरी :-तेलंगणासिमेवर वसलेल्या गोंडपिपरी तालुक्यात अवैध धंदे चांगलेच फोपावले आहेत.या गोरखधंद्यात सामान्यापासून मात्तबरांचा छूपा सहभाग दडला आहे.असे आसतांना आता गोंडपिपरी तालुक्यातील रेतीघांटावर राजूरा येथिल...

स्वातंत्र्यानंतर पहिल्यांदाच मंत्राचा कोलामगुड्यावर मुक्काम;कोलम बांधवांच्या जाणून घेतल्या व्यथा…

बळीराम काळे /जिवती जिवती:जिल्ह्यातील अतिदुर्गम,अतिमागास,आदिवासी बहुल, दुर्गम भागातील सितागुडा या कोलामगुड्यावर बच्चू कडू,राज्यमंत्री यांनी त्यांच्यासोबत मुक्काम ठोकला. स्वातंत्र्यानंतर एखाद्या मंत्र्यांनी भेट देऊन आदिवासी गुड्यावर मुक्काम...

Recent Comments

Don`t copy text!