चंद्रपूर 5 डिसेंबर : – अन्न व औषध प्रशासन कार्यालयातील विशेष पथकाद्वारे 8 लाख 25 हजार 800 रुपये किंमतीचा प्रतिबंधित पानमसाला जप्त करुन ताब्यात घेतला आहे. यासोबतच 1 एप्रिल 2020 ते 31 ऑक्टोंबर या कालावधीत एकुण 36 पेढयांवर कारवाई घेवून 58 लाख 48 हजार 388 रुपये किमतीचा प्रतिबंधित अन्नपदार्थांचा साठा जप्त करण्यात आलेला आहे.
विशेष पथकाचे नागपूर विभाग पथक प्रमुख नि.दि.मोहिते, सहाय्यक आयुक्त अन्न व चंद्रपूर कार्यालयातील अन्न सुरक्षा अधिकारी , .अ. या. सोनटक्के , जी, टी. सातकर व . प्र.अ उमप यांनी 3 डिसेंबर रोजी वसीम अख्तर झिमरी यांचे गोडाऊन प्लॉट नं. ई-69, दाताळा एमआयडीसी, चंद्रपूर यांचेकडून रजनीगंधा पान मसाला 129.6 गॅ., 22 नग, वजन 2.85,किंमत रु. 11 हजार 880, विमल पान मसाला 99 गॅ., 38 नग, वजन 3.76, किंमत रु.4 हजार 560, मजा हुक्का शिशा तंबाखु 200 गॅ. 1072 नग, वजन 214.4, किंमत 80 हजार 9360 असा एकूण 8 लाख 25 हजार 800 किंमतीचा साठा ताब्यात घेतलेला आहे. सदर घटनेबाबत पोलीस स्टेशन, पडोली येथे प्रथम खबरी अहवाल नोंदविण्यात आला असून पुढील तपास सुरु आहे.
