मदरलँड इंग्लिश मीडियम स्कूलमध्ये ‘राष्ट्रीय विज्ञान दिन’ उत्साहात साजरा
पोलीस निरीक्षक नागरगोजे यांच्या हस्ते विज्ञानाच्या चमत्कारांचे कौतुक; विद्यार्थ्यांच्या कल्पकतेला व्यासपीठ
एटापल्ली, प्रतिनिधी:आदित्य चिप्पावार
एटापल्ली येथील मदरलँड इंग्लिश मीडियम स्कूल येथे ‘राष्ट्रीय विज्ञान दिन’ मोठ्या उत्साहात आणि चैतन्यमय वातावरणात साजरा करण्यात आला. विज्ञानाप्रती विद्यार्थ्यांमध्ये आवड निर्माण व्हावी आणि त्यांच्यातील वैज्ञानिक दृष्टिकोन विकसित व्हावा, या उद्देशाने शाळेत विविध विज्ञान प्रयोगांचे प्रदर्शन आणि कार्यक्रमांचे आयोजन करण्यात आले होते.
प्रमुख पाहुण्यांची उपस्थिती
कार्यक्रमाचे उद्घाटन एटापल्लीचे पोलीस निरीक्षक माननीय नागरगोजे साहेब यांच्या हस्ते दीपप्रज्वलन करून करण्यात आले. यावेळी प्रमुख पाहुणे म्हणून राष्ट्रवादी काँग्रेसचे नेते मनीष भाऊ दुर्गे, पोलीस निरीक्षक मडावी साहेब उपस्थित होते. मान्यवरांनी विद्यार्थ्यांच्या प्रयोगांचे निरीक्षण करून त्यांच्या कल्पकतेचे भरभरून कौतुक केले.
मान्यवरांचे मार्गदर्शन
आपल्या भाषणात नागरगोजे साहेब यांनी सांगितले की, “आजचे युग हे विज्ञानाचे युग आहे. विद्यार्थ्यांनी केवळ पुस्तकी ज्ञान न घेता प्रयोगांच्या माध्यमातून विज्ञानाचा अभ्यास करावा.” तर मनीष दुर्गे यांनी ग्रामीण भागातील विद्यार्थ्यांच्या या प्रतिभेचे कौतुक करून त्यांना उज्ज्वल भविष्यासाठी शुभेच्छा दिल्या.
शालेय प्रशासनाचे नियोजन
या यशस्वी आयोजनासाठी शाळेचे प्रिन्सिपल राजू झोडे, वाईस प्रिन्सिपल सुनीता मॅडम आणि शिक्षक सोहेल शेख यांनी विशेष परिश्रम घेतले. कार्यक्रमाला शाळेतील शिक्षक वृंद मेघा मॅडम, करिष्मा मॅडम, सुकन्या मॅडम, आरती मॅडम आणि राजकुमार सर यांचे मोलाचे सहकार्य लाभले.
शाळेचे मुख्याध्यापक राजू झोडे यांनी उपस्थितांचे आभार मानले. या कार्यक्रमाला पालक आणि परिसरातील नागरिक मोठ्या संख्येने उपस्थित होते.
