गोंडपिपरी /प्रतिनिधी सिद्धार्थ दहागावकर
गोंडपिपरी तालुका अंतर्गत येत असलेल्या वढोली गावात मागील महिन्याभरात गावात असलेल्या अस्वच्छतेमुळे,वाढलेल्या डासांच्या प्रादुर्भावामुळे ताप,डेंग्यू,मलेरिया,टायफाईड, स्क्रब टायपस अशा आजाराचे रुग्ण मोठ्या प्रमाणात आढळले.
गावातील नागरिकांच्या आरोग्याची सुरक्षा लक्षात घेत मलेरिया वर्कर राकेश रामटेके यांनी सातत्याने फॉगिंग धूर फवारणी संदर्भात ग्रामपंचायतला सूचना केली.रामटेके यांच्या सूचनेची व गावात पसरलेल्या तापाची साथ लक्षात घेऊन वढोली ग्रामपंचायत सरपंच बहिणाबाई देवाडे,उपसरपंच शीला खरबणकर,सदस्य संदीप पौरकर,सुरेंद्र मडपल्लीवार, नलिनी कोहपरे,सुवर्णा पोलोजवार,मुरली आत्राम,कल्याणी शेंडे, ग्रामसेवक हरमवार यांनी नियोजन करून दि.(१७) बुधवारी रात्री संपूर्ण गावात सहा फॉगिंग मशीन द्वारे धूर फवारणी केली.सरपंच देवाडे,सदस्य सुरेंद्र मडपल्लीवार यांनी फवारणी होईपर्यंत उपस्थित राहून योग्य नियोजन करून धूर फवारणी यशस्वी पार पाडली.गावकऱ्यांनी समाधान व्यक्त केले.
