गोंडपिपरी (सुनील डी डोंगरे)
सलग 55वर्षापासून आमदार राहून विश्वविक्रम करणारे , अधिवेशनासाठी एस टी तून प्रवास करणारे ,अत्यंत साधे जीवन जगणारे आमदार आणि विचारवंत गणपतराव देशमुख यांचे वृद्धापकाळाने निधन झाले.
मृत्यूसमयी ते 94वर्षे वयाचे होते.
सांगली जिल्यातील सांगोला मतदार संघातून ते एकाच (शेतकरी कामगार पक्ष )पक्षाकडून ,एकाच चिन्हावर सलग 11वेळा निवडणूक जिंकून एक अनोखा विश्वविक्रम केला आहे…! आमदार असूनही कुठलाही बडेजाव नाही.अत्यंत साधी राहणी आणि समतामूलक विचारसरणी हे त्यांचे जीवनसूत्र होते.
एस टी मध्ये आमदार ,खासदारांसाठी आरक्षित सीट्स असतात.किती आमदार ,खासदार एस टी तून प्रवास करतात ?
महाराष्ट्रात गणपतराव देशमुख एकुलते एक आमदार असतील ज्यांनी मुंबई ,नागपूर विधानसभा अधिवेशनासाठी जाताना एस टी तून प्रवास केला.दुर्मिळाहून दुर्मिळ हे उदाहरण आहे.
हल्ली एकदा आमदार झाले की अनेक जन पुढच्या पाच पिढ्यांची सोय करून ठेवताना दिसतात.मात्र सलग 55वर्षे आमदार असतांनाही स्व.देशमुख यांनी फकिरीचे जीवन जगले.प्रॉपर्टी ते इतरांसारखी सहज उभी करू शकले असते .पण तत्वनिष्ठ असणाऱ्या देशमुख यांना लोभ ,मोह नव्हताच..!55वर्षांपूर्वी ते जसे होते तसेच आयुष्याच्या अंतापर्यंत राहिले.महाराष्ट्राच्या राजकारणातील ऋषितुल्य ,अत्यंत आदरणीय ,खूप मोठया उंचीचे ते दुर्मिळ व्यक्तिमत्व होते.
उत्तुंग व्यक्तिमत्वाच्या स्व गणपतराव देशमुख यांना भावपुर्ण आदरांजली ———