Advertisements
Home Breaking News महिलांची गगनभरारी: विदर्भात एका विभागीय आयुक्तासह, पाच महिला जिल्हाधिकारी...

महिलांची गगनभरारी: विदर्भात एका विभागीय आयुक्तासह, पाच महिला जिल्हाधिकारी…

नागपूर : समाजात वावरताना पूर्वी महिलांना दुय्यम स्थान दिले जायचे. समाजात वावरण्याची मक्तेदारी फक्त पुरुषांकडेच होती. महिलांना तो अधिकार नव्हता. मात्र, जसजसा काळ बदलत गेला तसतशी महिलांसाठी वेळ बदलत गेली आणि त्यांना समाजात मानाचे स्थान मिळू लागले. आता ‘चूल आणि मूल’ सांभाळण्यापुरतीच महिला राहिलेली नाही. ती आज गगनभरारी घेत असल्याचे दिसून येत आहे. याची प्रचिती मंगळवारी रात्री उशिरा पुन्हा आली.

Advertisements

राज्य सरकारने मंगळवारी २० आयएएस अधिकाऱ्यांच्या बदल्या केल्या. यात विदर्भातील सात अधिकाऱ्यांचा समावेश आहे.

या बदल्यांमध्ये पवनीत कौर आणि निमा अरोरा यांच्या क्रमशः अमरावती आणि अकोल्याच्या जिल्ह्याधिकारीपदी नियुक्ती करण्यात आली. यापूर्वी आर. विमला (नागपूर), नयना गुंडे (गोंदिया) व प्रेरणा देशभ्रतार (वर्धा) या विदर्भाच्या जिल्हाधिकारी म्हणून काम पाहणार आहेत. वर्धा जिल्हाधिकारी प्रेरणा देशभ्रतार या यापूर्वीच काम पाहत आहेत. कौर आणि अरोरा याच्या नियुक्तीने विदर्भातील महिला जिल्हाधिकाऱ्यांची संख्या दोनने वाढून पाच झाली आहे. तसेच प्राजक्ता लवंगारे-वर्मा यांची नागपूर विभागीय आयुक्त म्हणून नियुक्ती करण्यात आली आहे.

अमरावती जिल्हा

अमरावतीचे जिल्हाधिकारी शैलेश नवाल यांची बदली मंत्रालयात सामान्य प्रशासन विभागाच्या उपसचिवपदी करण्यात आली आहे. त्यांच्या रिक्त जागी पुण्याच्या आदिवासी संशोधन व प्रशिक्षण संस्थेच्या आयुक्त श्रीमती पवनीत कौर यांची नियुक्ती करण्यात आली आहे. पवणीत कौर या पुणे येथील आदिवासी संशोधन व प्रशिक्षण संस्थेत आयुक्त म्हणून कार्यरत होत्या.

अकोला जिल्हा

अकोल्याचे जिल्हाधिकारी जितेंद्र एस. पापळकर यांना अकोला महानगरपालिकेच्या आयुक्तपदी नियुक्त करण्यात आले असून, विद्यमान मनपा आयुक्त श्रीमती निमा अरोरा यांना पापळकर यांच्या रिक्त जागी अकोल्याच्या जिल्हाधिकारी म्हणून नियुक्त करण्यात आले आहे.

गोंदिया जिल्हा

नागपूर जिल्हा परिषदेच्या तत्कालीन मुख्य कार्यकारी अधिकारी डॉ. कादंबरी बलकवडे यांची गोंदियाच्या पहिल्या महिला जिल्हाधिकारी म्हणून बदली झाली होती. त्यानंतर नयना गुंडे यांच्या नियुक्तीने गोंदियाला दुसऱ्या महिला जिल्हाधिकारी मिळाल्या आहेत. नयना गुंडे यांनी यापूर्वी वर्धा जिल्हा परिषदेच्या मुख्य कार्यकारी अधिकारी तसेच नागपूर महानगरपालिकेतही अतिरिक्त महापालिका आयुक्तपदाची जबाबदारी सांभाळली आहे.

वर्धा जिल्हा

प्रेरणा देशभ्रतार यांची पाच महिन्यांपूर्वी वर्धाच्या जिल्ह्याधिकारी म्हणून नियुक्ती करण्यात आली. त्या पूर्वी पुणे येथील समाज कल्याण येथे कार्यरत होत्या.

नागपूर जिल्हा

तीन ते चार दिवसांपूर्वी आर. विमला यांची नागपूरच्या जिल्हाधिकारीपदी नियुक्ती करण्यात आली आहे. आर. विमला या महसूल संवर्गातून सनदी अधिकारी झाल्या आहेत. त्यांनी रवींद्र ठाकरे यांची जागा घेतली. पूर्वी त्या जलजीवन मिशनच्या संचालकपदी कार्यरत होत्या.

नागपूर विभागीय आयुक्त

मराठी भाषा विभागातून बदली झालेल्या आणि नागपूरच्या विभागीय आयुक्तपदी रुजू झालेल्या प्राजक्ता लवंगारे-वर्मा विभागाची जबाबदारी सांभाळत आहे. पूर्व विदर्भातील आयएएस अधिकाऱ्यांसाठी त्या मार्गदर्शक तसेच नियंत्रकाच्या भूमिकेत कार्यरत आहेत.

पूर्व विदर्भ महिलांचाच

विदर्भाचा पूर्व आणि पश्चिम असे दोन भाग पडतात. पश्चिम विदर्भात यवतमाळ, अमरावती, अकोला, बुलडाणा आणि वाशीम या पाच जिल्ह्यांचा समावेश होतो. तर पूर्व विदर्भात नागपूर, भंडारा, गोंदिया, चंद्रपूर, गडचिरोली व वर्धा जिल्ह्यांचा समावेश होते. यातील पन्नास टक्के जागांवर महिलांची जिल्हाधिकारी म्हणून नियुक्ती करण्यात आली आहे. यात नागपूर, गोंदिया आणि वर्धा जिल्ह्याचा समावेश आहे.

India Dastak News TVhttps://www.indiadastaknewstv.com/
मुन्ना तावाडे | मुख्य संपादक, 9096780556
RELATED ARTICLES

सफरचंद खाण्यासाठी गेलेल्या ६ वर्षाच्या मुलाचा विषारी साप चावल्याने मृत्यू…

-ब्युरोचिफ प्रशांत शाहा बीड : बीडच्या धारुर तालुक्यातील वाघोली येथे कपाटात ठेवलेले सफरचंद खाण्यासाठी गेलेल्या 6 वर्षाच्या चिमुकल्याला विषारी साप चावल्याने दुर्दैवी मृत्यू झाला. आदित्य...

स्वर्गीय शांताराम पोटदुखे यांच्या स्मृती प्रित्यर्थ मोफत आरोग्य तपासणी शिबिर…

श्याम म्हशाखेत्री (चंद्रपुर जिल्हा संपादक) चंद्रपुर: स्वर्गीय शांताराम पोटदुखे यांच्या स्मृती प्रित्यर्थ क्राईस्ट रुग्णालय, चंद्रपुर व सुशीलाबाई रामचंद्र मामिडवार समाजकार्य महाविद्यालय, पडोली यांच्या संयुक्त विद्यमाने...

राज्यात सर्वाधिक मध्यपी महिला धुळे जिल्ह्यात तर पुरुषामध्ये गडचिरोली जिल्हा पहिल्या स्थानावर

 नागपूर : मद्यपानामुळे अनेक सामाजिक समस्या निर्माण होत असून अनेकांची कुटुंबे उद्ध्वस्त झाली आहेत. परंतु, मद्यविक्रीतून येणारा महसूल बघता राज्य आणि केंद्र सरकारच मद्य...

LEAVE A REPLY

Please enter your comment!
Please enter your name here

- Advertisment -

Most Popular

म. गांधींच्या विचारधारेनेच देशातील अराजकता संपुष्टात येणार – आ. वडेट्टीवार…गांधी के रास्ते पदयात्रेचा सावली येथे समारोप

सावली: देशाला स्वातंत्र्य मिळवून देण्यासाठी उभे आयुष्य पणाला लावणारे खरे देशभक्त महात्मा गांधी हे होय. त्यांचे नीतिमूल्ये व मानवतावादी विचार आजच्या अराजक्तेच्या काळात प्रत्येकामध्ये रुजविणे...

तालुक्यातील बरेचसे पशुधन लंम्पी या आजाराच्या विळख्यात सापडल्याचे चित्र…#बाधित क्षेत्रातील २६ गावातील ६९०४ पशुधनांवर लसीकरण

बळीराम काळे,जिवती जिवती (ता.प्र.) तालुक्यात लम्पी या संसर्गजन्य आजारांने जिवती तालुक्यातही आपले पाय पसरविले आहे,त्यामुळे जिवती, शेणगाव व येल्लापुर या गावापासून पाच किलमीटरवर त्रिजेचा परीसर...

दुर्गापूर पाणीपुरवठा योजनेला जिल्हास्तरीय मंजुरी….राष्ट्रवादी युवक काँग्रेसचे प्रदेश कार्याध्यक्ष नितीन भटारकर यांच्या प्रयत्नाला यश…

चंद्रपुर: तहसील जिल्हा चंद्रपूर येथील ग्रामपंचायत दुर्गापुर गावाची लोकसंख्या २६ हजार च्या वर असून दुर्गापूर येथील सद्यस्थितीत ६ लाख २५ हजार लिटर पाणी क्षमता...

वृक्षाई पर्यावरण फाउंडेशन आणि आम आदमी पार्टीच्या संयुक्त विद्यमाने इरई बचावसाठी जल सत्याग्रह व साखळी उपोषण

चंद्रपुर: १९८१ मध्ये चंद्रपुर थर्मल पॉवर स्टेशन ची निर्मिती झाली. त्यासाठी पुरवठ्यासाठी निर्माण करण्यात आलेल्या इराई नदीवर असलेल्या धरणामुळे, धरणानंतर ही नदी संकुचित झाली....

Recent Comments

Advertisements
Advertisements
Don`t copy text!