Home Breaking News मनात आत्महत्येचे विचार येत आहेत तर मग जरूर वाचावा हा लेख..."आयुष्य इतकं...

मनात आत्महत्येचे विचार येत आहेत तर मग जरूर वाचावा हा लेख…”आयुष्य इतकं स्वस्त झालं आहे का?”

प्रेमात धोका मिळाला कर आत्महत्या, व्यवसायात नुकसान झाले कर आत्महत्या, नोकरीच टेन्शन आहे कर आत्महत्या, डिप्रेशन मध्ये आहे कर आत्महत्या, प्रसिद्धी मिळाली तरीही कर आत्महत्या….खरंच आयुष्य किती स्वस्त झालं आहे ना! जगण्यापेक्षा इथं तरुणांना मरण सोप्प वाटतं अन जवानीच्या वयात पोरग बापाच्या खांद्यावर दिसतं. किती दुर्दैवाची गोष्ट…. वर्तमानपत्र हातात घेतलं की, टीव्ही समोर बसलं की, आत्महत्याच्या बातम्या डोळ्यासमोर हमखास दिसतात. मग विचार येतो की खरंच माणसाचं आयुष्य इतकं स्वस्त झालं आहे का?

प्रवासाच्या वाटेवरून चालतांना कुठे खड्डे असतील, कुठे रस्ता कच्चा असेल, अचानक ब्रेकर समोर येईल, एखादे वाहन आपल्या दिशेने येईल तेव्हा न डगमगता गाडीवरचे संतुलन व्यवस्थित असले की, प्रवास सुखरूप होतो. परंतु खड्डे दिसले म्हणून मी समोर जाणार नाही असं कुणी म्हणतो का? हायवे ने जाताना अचानक कच्चा रस्ता लागला म्हणून कुणी परत येतो का? नाही ना! मग आयुष्याचं अगदी असच..कारण आयुष्यात अडचणी आल्याशिवाय आयुष्याची खरी किंमत माणसाला कळत नाही…

कुणीतरी खूप छान म्हटलं आहे की, जीवनात अडचणी येणे हे ‘Part of life‘ आहे आणि त्यातून हसत बाहेर पडणे ही ‘Art of life‘ आहे. जगण्याची कला माणसानं शिकावी. आयुष्यात अडचणी येत राहतील, क्षणोक्षणी आयुष्य तुमची परीक्षा घेत राहील म्हणून चिंता करायची नाही. त्यावर उपाय शोधावा कारण जगात अशी कोणतीच समस्या नाही की, ज्या समस्येवर उपाय नाही. प्रत्येक प्रश्नाचे उत्तर आहे फक्त मार्ग शोधता आला पाहिजे.

जगात असा कोणताही प्राणी आढळणार नाही की, ज्याच्या वाट्याला दुःख नाही, चिंता नाही…प्रत्येकाच्या आयुष्यात दुःख आहे, चिंता आहे. सुखासोबत प्रवास करतांना कधीतरी दुःखासोबतही प्रवास करावा लागतोच. म्हणून निराश होऊ नका. मिळालेले आयुष्य समाधानाने जगा. कारण एकदा मिळालेलं आयुष्य पुन्हा भेटत नाही.

पु.ल.देशपांडे म्हणतात ‘भरलेला खिसा माणसाला जग दाखवतो आणि रिकामा खिसा मात्र जगातील माणसं दाखवतो…’ म्हणून जीवनात अशी माणसं जोडा की, जी तुमच्या सुखात नसली तरीही चालतील पण दुःखात मात्र तुमची कायम सावली म्हणून राहतील. कारण सुखाचे भागीदार खूप असतात पण दुःख मात्र अनाथ होत आणि अश्या या अनाथ असलेल्या दुःखाला दत्तक घेणारा कुणीतरी हवा असतो. म्हणुन जीवनात माणसं नक्की जोडत रहा… कारण कोण कुठे? कसा? केव्हा? आणि कधी कामात पडेल काही सांगता येत नाही…

शेवटी एकच सांगणं की, आयुष्य संपविण्यापूर्वी एकदा त्या माऊलीचा विचार करा, ज्या माऊलीने तुम्हाला नऊ महिने पोटात ठेवलेलं असतं.. त्या बापाचा विचार करा ज्यांनी स्वतःपेक्षा तुमच्या आयुष्याचा विचार जास्त केला असतो. त्या मित्र-परिवाराचा विचार करा ज्या मित्रांसोबत तुमचं रक्तपेक्षाही जवळच नातं बनलेलं असत आणि त्या समाजाचा विचार करा ज्या समाजापुढे भविष्यातील आयडियल तुम्ही असाल…म्हणून सोन्यासारखं आयुष्य कुणासाठी एका क्षणात संपवू नका. कारण आयुष्य इतकं स्वस्त नाही मित्रांनो आणि महत्वाचं आत्महत्या केल्याने आयुष्यातील प्रश्न संपत नाही तर प्रश्न निर्माण होतात कायम न सुटण्यासाठी….

-सुरज पि. दहागावकर.
रा-चेकबापूर तह-गोंडपिपरी जि-चंद्रपुर
मो.न.8698615848

India Dastak News TVhttps://www.indiadastaknewstv.com/
मुन्ना तावाडे | मुख्य संपादक, 9096780556
RELATED ARTICLES

मुख्यमंत्री पदाचा राजीनामा द्यायला तयार; उद्धव ठाकरेंनी बंडखोरांना स्पष्टच सांगितले.

राज्यात शिवसेनेचे मातब्बर नेते तथा मंत्री एकनाथ शिंदे यांनी बंड केल्यानंतर राज्यातील राजकारणात एकच खळबळ उडाली आहे. एकनाथ शिंदेंसोबत सर्व बंडखोर आमदार सध्या गुवाहटीमध्ये...

सांगली हादरल! एकाच कुटुंबातील 9 जणांची आत्महत्या, विष घेत आयुष्य संपवलं

सांगली – म्हैसाळकारांचा सोमवारचा दिवस उजाडला तोच एका हादरवणाऱ्या बातमीनं.. गावात परिचित असलेल्या दोन भावांच्या संपूर्ण कुटुंबाने आत्महत्या केल्याची माहिती काही क्षणांत गावातल्या घराघरात...

मोठी बातमी: जेष्ठ समाजसेवक प्रकाश आमटे यांना कॅन्सरचे निदान.. पुण्यातील दीनानाथ मंगेशकर रुग्णालयात उपचार सुरु

चक्रधर मेश्राम पुणे: जेष्ठ समाजसेवक डॉ. प्रकाश आमटे यांना ब्लड कँसरचे निदान झाले असून उपचारासाठी त्यांना रुग्णालयात दाखल करण्यात आले आहे. आमटे यांना दुर्मिळ अशा...

LEAVE A REPLY

Please enter your comment!
Please enter your name here

- Advertisment -

Most Popular

गोंडपिपरीत तालुक्यात कृषी संजीवनी मोहीमेला प्रारंभ… कृषी विभागाकडून प्रात्यक्षिकाद्वारे मार्गदर्शन…

शरद कुकुडकार (भंगाराम तळोधी प्रतिनिधी) भंगाराम तळोधी :- 25 जून ते 1 जूलै या दरम्यान राज्यात सर्वत्र कृषी संजीवनी मोहीम राबविण्यात येत आहे याच धर्तीवर...

अकोल्यातून गडचिरोली जिल्ह्यात नकली नोटा पोहचविण्याचा प्रयत्न

सिरोंचा : झटपट पैसे कमावण्याच्या नादात नकली नोटा चलनात आणण्यासाठी अकोला येथून घेऊन येणाऱ्या तीन आरोपींना तेलंगणातील महादेवपूर पोलिसांनी शनिवारी रंगेहाथ पकडले. यातील दोघे तेलंगणातील,...

मतदार संघाच्या सर्वांगीण विकासासाठी सत्तेसोबत राहणे गरजेचे – आ. किशोर जोरगेवार

चंद्रपुर: मागील अडीच वर्षे महाविकास आघाडी सरकार सोबत राहुन मतदार संघातील प्रश्न सोडविण्यासह विकासासाठी मोठा निधी उपलब्ध करता आला. याच दरम्याण घुग्घुस नगर परिषद...

जन्मताच आईचे मातृत्व हरवलेल्या आदेशचे स्वतःची सायकल असण्याचे स्वप्न कर्मयोगीने केले पूर्ण…

नागपूर: १० दिवसापूर्वी संध्याकाळच्या वेळेला जवळपास ७ वाजले होते,अचानक एक कॉल आला. तो कॉल होता बिबी (सावळी ) त. हिंगणा जि. नागपूर या गावातील...

Recent Comments

Don`t copy text!