गडचिरोली:-गडचिरोली पासुन 15 किमी अंतरावरील धुंडेशिवनी जंगलात सरपण आणन्याकरीता गेलेल्या इसमावर पट्टेदार वाघाने हल्ला केला यात सदर इसमाचा मृत्यू झाला आहे. दयाराम धर्माजी चुधरी वय 67 वर्ष असे मृतकाचे नाव आहे. सदर घटना सकाळी 11 ते 11.30 वाजताच्या सुमारास घडली.
ऊल्लेखनीय आहे की वनविभागाने या भागात वाघाचा वावर वाढला असल्यामुळे नागरिकांनी सुदूर जंगलात कोणत्याही कामासाठी जाऊ नये. असे आवाहन केले आहे. या आवाहनाला न जुमानता नागरीक जंगलात दूरवर सरपण, झाडूचे गवत व इतर कामाकरीता जात आहेत. त्यामुळे अशा दुर्घटना घडतात.
मृतक दयाराम सकाळी आपल्या काही सहकाऱ्यांसह धुंडेशिवनी पासुन 3 ते 4 किमी दूरपर्यंत जंगलात सरपण आणन्याकरीता गेला. सरपण गोळा करीत असताना अचानक पट्टेदार वाघाने त्याचेवर हल्ला चढवला. व त्याला जवळ-जवळ 70 ते 80 मीटरपर्यंत ओढत नेले. व त्याच्या मांडीचे मांस खाल्ले. वाघाचा हा झालेला हल्ला दयाराम सोबतच्या दोन माणसांनी पाहीला. काही क्षणातच त्यांनी आरडाओरडा सुरू केला त्यामुळे तिथून वाघ पळून गेले. या घटनेची माहिती लगेच वनविभागाला दिली गेली. पोर्ला वनपरिक्षेत्राधिकारी चांगले यांनी ताबडतोब घटनास्थळाकडे जाऊन समीक्षा केली. पोलीसांना घटनेची माहिती दिली असुन पंचनामा सुरू आहे.
वनपरिक्षेत्राधिकारी चांगले यांनी सांगितले की मृतकाचे परिवारास शासकिय नियमानुसार 5 लाख रूपये नगदी व 10 लाख रुपये ठेवीस्वरूपात दिले जातील. ताबडतोब सानुग्रह मदत म्हणून पोर्ला वनपरिक्षेत्र कार्यालयाकडून 10 हजार रूपयांची राशी आजच कुटूंबियांना दिली जाणार आहे.
गडचिरोली तालुक्यात वाघाचा वावर वाढला असल्यामुळे नागरिकांनी सुदूर जंगलात कोणत्याही कामासाठी जाऊ नये असे आवाहन वन विभागाकडून करण्यात आले आहे. नागरिकांनी याकडे गंभीरतेने लक्ष द्यावे असेही त्यांनी सांगितले.