जिल्हा परिषद प्राथमिक शाळा विकासपल्लीची शैक्षणिक सहल बोटॅनिकल गार्डन येथे उत्साहात संपन्न
मुख्य संपादक प्रशांत शाहा
विकासपल्ली :
दिनांक ०९ फेब्रुवारी २०२६ रोजी जिल्हा परिषद प्राथमिक शाळा विकासपल्ली येथील विद्यार्थ्यांची शैक्षणिक सहल बोटॅनिकल गार्डन येथे मोठ्या उत्साहात पार पडली. या सहलीचा उद्देश विद्यार्थ्यांना पाठ्यपुस्तकातील ज्ञान प्रत्यक्ष अनुभवातून समजावे, तसेच निसर्ग आणि पर्यावरणाबद्दल जागरूकता निर्माण करणे हा होता.
या सहलीदरम्यान विद्यार्थ्यांनी विविध प्रकारच्या देशी-विदेशी झाडे, फुलझाडे, औषधी वनस्पती तसेच दुर्मिळ वनस्पतींचे प्रत्यक्ष निरीक्षण केले. बोटॅनिकल गार्डनमधील तज्ज्ञ व शिक्षकांनी विद्यार्थ्यांना वनस्पतींचे महत्त्व, त्यांचे औषधी गुणधर्म, पर्यावरण संतुलनातील भूमिका तसेच वृक्षसंवर्धनाबाबत सविस्तर माहिती दिली.
विद्यार्थ्यांनी प्रश्नोत्तराच्या माध्यमातून सक्रिय सहभाग घेतला. प्रत्यक्ष पाहून व ऐकून मिळालेल्या माहितीतून विद्यार्थ्यांचा अभ्यासावरील रस अधिक वाढल्याचे दिसून आले. सहलीदरम्यान विद्यार्थ्यांमध्ये शिस्त, एकोप्याची भावना तसेच सामाजिक वर्तन कौशल्यांचा विकास झाला.
ही शैक्षणिक सहल मुख्याध्यापक तसेच सर्व शिक्षकवर्गाच्या मार्गदर्शनाखाली यशस्वीरित्या पार पडली. विद्यार्थ्यांच्या सुरक्षिततेची विशेष काळजी घेण्यात आली होती. सहल यशस्वी होण्यासाठी शिक्षक, कर्मचारी तसेच पालकांचे मोलाचे सहकार्य लाभले.
अशा प्रकारच्या शैक्षणिक सहली विद्यार्थ्यांच्या सर्वांगीण विकासासाठी उपयुक्त ठरतात, असे मत शाळा प्रशासनाने व्यक्त केले.
