७ नागरिक जखमी; अहेरी येथील घटना
प्रतिनिधी प्रीतम गग्गुरी
अहेरी :जिल्ह्यातील राजनगरी अहेरी येथे दरवर्षी मोठ्या उत्साहात पार पडणाऱ्या दसऱ्याच्या पारंपरिक मेळाव्यात काल मध्यरात्री च्या सुमारास झालेल्या फुग्याच्या सिलिंडरचा स्फोट होऊन ७ नागरीक जखमी झाल्याची घटना घडली.
शेकडो वर्षाची परंपरा असलेल्या अहेरीच्या दसऱ्या मेळाव्यात पंचक्रोशीतील नागरिक एकत्र येतात. या ठिकाणी मोठी जत्राच भरत असते. दरम्यान अचानक झालेल्या या स्फोटामुळे नागरिकांमध्ये भीतीचे सावट पसरले. स्फोटाचा आवाज इतका जबरदस्त होता की मुख्य चौकापर्यंत धडक बसल्याचा भास झाला. सिलेंडरच्या स्फोटात जखमी असलेल्यांपैकी सात जखमींना उपजिल्हा रुग्णालयात प्राथमिक उपचार देऊन तेव्हाच सुट्टी करण्यात आली.
यामध्ये तीन अहेरीचे तीन बोटला गुडमचे३ आणि एक तेलंगाणाचा असल्याचे समजते
जखमीमध्ये नागेश कविराजवार (२६) रा. अहेरी, गणेश पुनलवार (२२) अहेरी, राहुलदुर्गे (३४) रा० अहेरी, अंजना आलाम (१९), वरदान मेश्राम (२०) अक्षय मेश्राम (२२) तिन्ही रा. बोटलागूडम, काशीम बावणे (२६) तेलंगाणा यांचा समावेश आहे. जखमींना तात्काळ अहेरी उपजिल्हा रुग्णालयात दाखल करण्यात आले असून, सर्वांची प्रकृती स्थिर असल्याचे वैद्यकीय सूत्रांनी सांगितले. सुदैवाने कोणतीही जीवितहानी झाली नाही; परंतु अनेकांना दुखापती झाल्या आहेत. अपघाताची माहिती मिळताच माजी राज्यमंत्री अम्ब्रीशराव आत्राम यांनी रुग्णालयात धाव घेऊन जखमींची विचारपूस केली.
