Advertisements
Home Breaking News एक लाखाची लाच घेताना मंडल अधिकाऱ्यांसह एकाला अटक...लाचलुचपत विभागाची धडक कारवाई

एक लाखाची लाच घेताना मंडल अधिकाऱ्यांसह एकाला अटक…लाचलुचपत विभागाची धडक कारवाई

अवैधरित्या मुरूम उत्खनन आणि वाहतूक केल्याप्रकरणी गुन्हा न दाखल करण्यासाठी एक लाख रुपये घेताना पंढरपूर तालुक्यातील तुंगत गावचे मंडल अधिकारी रणजीत मोरे यांच्यासह साहेबांचा वसूलदार म्हणून चर्चेत असलेला खाजगी इसम शरद मोरे यांना लाचलुचपत विभागाने रंगेहात पकडले आहे. शुक्रवारी दुपारी ही कारवाई करण्यात आली. या सापळ्यातून मात्र एक बडा मासा निसटल्याची चर्चा आहे.

Advertisements

याबाबत सविस्तर माहिती अशी की, तक्रारदार व्यक्तीने भाड्याच्या जेसीबीच्या सहाय्याने मुरुमाचे बेकायदेशीर उत्खनन केले होते. तसेच स्वतःच्या टिप्पर मधून वाहतूक देखील केली होती. यावर मंडल अधिकारी रणजीत मोरे यांनी कारवाईचा बडगा उभारला होता. याप्रकरणी गुन्हा नोंद न करण्यासाठी रणजीत मोरे यांनी खाजगी व्यक्ती शरद मोरे (रा. मुंडेवाडी तालुका पंढरपूर) यांच्यामार्फत तब्बल एक लाख रुपयाची लाच मागितली होती. जेसीबी आणि टिप्पर वर कारवाई न करणे, गुन्हा दाखल न करणे यासाठी एक लाख रुपये द्यायचे ठरले. दरम्यान संबंधित व्यक्तीने लाच लुचपत विभागाकडे तक्रार दिली. आज शुक्रवारी एक लाख रुपयाची लाच स्वीकारताना खाजगी व्यक्ती शरद मोरे आणि मंडल अधिकारी रणजीत मोरे यांना लाच लुचपत विभागाने रंगेहात पकडले आहे.

तब्बल एक लाख रुपयाची लाच घेताना मंडल अधिकाऱ्याला पकडल्यामुळे पंढरपूर महसूल विभागात एकच खळबळ माजली आहे. अवैध वाळू उपसा, बेकायदेशीर खडी क्रशर मुळे पंढरपूर तहसील कार्यालय चर्चेत आहे. अशा वातावरणातच तब्बल एक लाख रुपये घेताना मंडल अधिकारी आणि खाजगी व्यक्ती सापडल्याने कार्यपद्धतीवर प्रश्नचिन्ह निर्माण झालं आहे.

लाचेची रक्कम पाहता यामध्ये आणखी कोण सामील आहे का? याची चौकशी लाचलुचपत विभागामार्फत सुरू आहे.

मंडल अधिकारी रणजीत मोरे आणि आणि सहा ते सात वर्षे झाले साहेबांचा माणूस म्हणून तहसील कार्यालयामध्ये वावर असलेल्या शरद मोरे यांच्या संपत्तीची सखोल चौकशी करण्याची मागणी आता पंढरपूरकरांच्या वतीने केली जात आहे. हा खाजगी व्यक्ती मागील दोन ते तीन साहेबांचा खास असल्याची चर्चा तहसील वर्तुळात सुरू आहे. याच्या दादागिरीला महसूल कर्मचारी देखील वैतागल्याची माहिती पुढे येत आहे.

सदरचा यशस्वी सापळा लाचलुचपत विभागाचे पोलीस अधीक्षक अमोल तांबे, अप्पर पोलीस अधीक्षक सुरज गुरव, पोलीस उपअधीक्षक गणेश कुंभार, पोलीस निरीक्षक उमाकांत महाडिक, पोलीस अंमलदार सोनवणे, पोलीस नाईक प्रमोद पकाले, पोलीस नाईक अतुल घाडगे, पोलीस कॉन्स्टेबल ल सतरके यांच्या पथकाने केली.

India Dastak News TVhttps://www.indiadastaknewstv.com/
सुरज पी दहागावकर | मुख्य संपादक मो.न. 8698615848/9960020762
RELATED ARTICLES

शिक्षकांच्या न्याय, हक्कासाठी महाविकास आघाडी प्रयत्नशील – माजी मंत्री वडेट्टीवार

सिंदेवाही : जुनी पेन्शन योजनेसह शिक्षकांच्या हक्काच्या अनेक मागण्या आजही प्रलंबित आहेत. या रास्त मागण्यांना न्याय देण्यासाठी महाविकास आघाडीने शिक्षण क्षेत्रातील विविध समस्यांना घेऊन वेळोवेळी...

फारेस्ट ग्राउंड मध्ये प्रजासत्ताक दिन साजरा विविध सांस्कृतिक कार्यक्रमांचे आयोजन सामाजिक कार्यकर्त्यांचा सत्कार

आलापल्ली : आज २६ जानेवारी प्रजासत्ताक दिनानिमित्त आल्लापल्ली येथील फारेस्ट ग्राउंड(क्रिडा संकुलंन) या ठिकाणी आज ठीक ७:३० वाजता ध्वजारोहणाचा कार्यक्रम करण्यात आले. ध्वजारोहणाचा कार्यक्रमाकरिता ग्रामपंचायत...

राज्याचे माजी कॅबिनेट मंत्री, आमदार श्री. विजय वडेट्टीवार यांचा दि. ८ जानेवारी २०२३ रोजीचा दौरा कार्यक्रम..

*राज्याचे माजी कॅबिनेट मंत्री, काँग्रेस नेते तथा आमदार* *श्री. विजय वडेट्टीवार यांचा* *दि. ८ जानेवारी २०२३ रोजीचा दौरा कार्यक्रम....* *रविवार दि. ८ जानेवारी २०२३* *सकाळी १०.००...

LEAVE A REPLY

Please enter your comment!
Please enter your name here

- Advertisment -

Most Popular

अभिनंदन! पुजा डोंगेची अखिल भारतीय आंतरविद्यापीठीय वूशू स्पर्धेसाठी निवड

चंद्रपूर (कोरपना) : नुकत्याच पार पडलेल्या गोंडवाना विद्यापीठ गडचिरोलीच्या आंतर महाविद्यालयिन वूशू स्पर्धेत कवठाळा या छोट्याश्या गावातून कठीन परिश्रम घेत खेळाडू कु. पुजा गणपत...

गोंडवाना विद्यापीठ सभागृहाच्या “डीडोळकर’ नामकरणाला स्थगिती

: माजी मंत्री वडेट्टीवारांच्या पत्राची गंभीर दखल गडचिरोली येथील गोंडवाना विद्यापीठाच्या सभागृहाला स्व.दत्ता डिडोळकर नाव देउन आदिवासी समाजातील थोर हुतात्मे तथा आदिवासी समाजाच्या भावना दुखावणारा ठराव...

महिलांनी सक्रिय राजकारणात भाग घेऊन सत्याच्या बाजूने उभे व्हा : नम्रता ठेमस्कर

घुग्घूस : येथील तुकडोजी नगर वॉर्ड क्रं 06 येथे सौ. पदमा राजूरेड्डी यांच्या वतीने हळदी - कुंकू व वाण वाटप कार्यक्रम 28 जानेवारी रोजी...

व्यसनाधीन मद्यासक्ताच्या कुंटुबियांना आनंद व सुखाचे जीवन मिळावे यासाठी अँलअँनाॅन परिवार समुह करीत असलेले प्रयत्न समाजासाठी भूषणावह… -प्रा.शाम धोपटे

श्याम म्हाशाखेत्री (चंद्रपूर जिल्हा संपादक) चंद्रपूर- अँलअँनाॅन परिवार समुह या आंतरराष्ट्रीय संगतीचा भाग असलेल्या "सुप्रभात अँलअँनाॅन परिवार समुह चंद्रपूर येथे स्थापन होऊन चार वर्ष पूर्ण...

Recent Comments

Advertisements
Advertisements
Don`t copy text!