चंद्रपूर : – मोठ्या भावाच्या पुण्यस्मरणाचा कार्यक्रम आटोपून घरी जात असताना चीचपल्ली जवळ लहान भावाच्या गाडीचा भीषण अपघात झाल्याने त्या अपघातात सासू-सुनेचा जागीच मृत्यू झाला तर 6 जण जखमी झाले.
14 एप्रिल रोजी चंद्रपुरात मोठ्या भावाच्या पुण्य स्मरणाचा कार्यक्रमासाठी पोलीस कर्मचारी अनिल पारखी आपल्या कुटुंबियांसह चंद्रपूर ला आपल्या घरी आले होते.दिवसभर कार्यक्रम आटोपून 15 एप्रिलला सकाळी कर्तव्यावर रुजू व्हायचे असल्याने अनिल पारखी रात्री 10 वाजता कुटुंबियांसोबत चामोर्शी ला जायला निघाले.चीचपल्ली जवळ पोहचल्यावर वाटेत अचानक जनावर आडवे आल्याने चारचाकी वाहन क्रमांक Mh 33 V 9688 चे नियंत्रण सुटले, चारचाकी वाहन 4 वेळा पलटी होत, नवीन बनलेल्या पुलाच्या खाली कोसळले.
अपघात इतका भयंकर होता की यामध्ये अनिल पारखी यांची पत्नी 32 वर्षीय किरण पारखी, आई 65 वर्षीय शोभा पारखी यांचा जागीच मृत्यू झाला.पोलीस कर्मचारी अनिल पारखी 40, साधना पारखी 45, राम पारखी 7, आराध्या पारखी 4, ओम 10 व नंदिनी 14 वर्ष हे जखमी झाले आहे.विशेष बाब म्हणजे अपघात झाल्यानंतर पारखी कुटुंबियांचे सर्व सामान गाडी खाली पडले, काहींनी तर पारखी यांच्या पर्स मध्ये असलेले सोन्याचे दागिने चोरून नेल्याचे कळते.जखमींवर उपचार चंद्रपुरातील खाजगी रुग्णालयात सुरू आहे.
