Home Breaking News आनंदभान अभंगसंग्रहावर आभासी पध्दतीने राष्ट्रीय परिचर्चा संंपन्न...आनंदभान मधील अभंगरचना संतविचारांतून समाजमन घडविणा-या-...

आनंदभान अभंगसंग्रहावर आभासी पध्दतीने राष्ट्रीय परिचर्चा संंपन्न…आनंदभान मधील अभंगरचना संतविचारांतून समाजमन घडविणा-या- जयवंत बामणे

राष्ट्रसंत साहित्याचे ज्येष्ठ अभ्यासक तथा साहित्यिक ग्रामगीताचार्य बंडोपंत बोढेकर यांच्या आनंदभान या नवनिर्मित अभंगसंग्रहावर राष्ट्रीय परिचर्चेचे आयोजन आभासी पध्दतीने करण्यात आले .

नक्षत्राचं देणं काव्यमंच पुणे आणि राष्ट्रसंत विचार साहित्य केंद्रीय परिषदेच्या संयुक्त सहकार्याने आयोजित ह्या परिचर्चेत उदघाटक म्हणून मुंबई येथील दै. पुण्यनगरी चे सहसंपादक तथा कवी जयवंत बामणे लाभले होते.तर अध्यक्षस्थानी गडचिरोली येथील समाजसेवी तथा सुप्रसिद्ध कवयित्री श्रीमती कुसूमताई अलाम होत्या. भाष्यकार म्हणून पुणे येथिल कवयित्री तथा शिक्षणतज्ञ सौ. सुरेखा कटारिया , पुणे येथिल नक्षत्राचं देणं काव्यमंच चे राष्ट्रीय अध्यक्ष वादळकार कवी प्रा. राजेंद्र सोनवणे उपस्थित होते.

ग्रामगीताचार्य बंडोपंत बोढेकर यांनी प्रास्तविकातून अभंगसंग्रह निर्मितीमागील प्रेरणा आणि आलेले जीवनानुभव यावर प्रकाश टाकला.

याप्रसंगी कवी जयवंत बामणे म्हणाले , सुजाण समाजमन निर्मितीसाठी उत्तमप्रकारचे साहित्य निर्माण झाले पाहिजे. ग्रामजीवनाशी घट्ट नाळ असलेल्या बंडोपंताच्या आनंदभान अभंगसंग्रहात भक्तीमार्गातून समाजसुधारणेचा मार्ग दिसून येतो. संत साहित्याचे महात्म्य आणि महत्त्व प्रस्तुत कवींनी ओळखले असून त्यांंनी कर्मातून मोक्षाचा सहजमार्ग कसा जपायचा यावर सुरेख चिंतन मांडलेले दिसून येते.

वादळकार कवी प्रा. सोनवणे म्हणाले , जगात कवीला मोठी परंपरा लाभलेली आहे आणि कवींनीच जगातले सुंदरपण हेरून सर्वसामान्य जणांना जगण्याचे मर्म शब्दांच्या माध्यमातून समजावून सांगीतले आहे. बंडोपंत बोढेकर यांनी आनंदभान मधून झाडीपट्टीच्या नैसर्गिक वनसौंदर्यासोबतच तेथील ग्रामवैभवाचा जणू साक्षात्कार घडवून आणला आहे. या संग्रहात आलेले “तत्वज्ञान” संत तुकाराम महाराजांच्या महान अभंगाशी जवळीक साधणारे आहे.

भाष्यकार म्हणून सुप्रसिद्ध कवयित्री प्रा. सौ. सुरेखा कटारिया म्हणाल्या, आनंदभानच्या अभंगवाणीत राष्ट्रसंत श्रीतुकडोजी महाराजांच्या विचारांचे संस्कार जाणवतात. निरामय आनंदासोबतच मानवी जीवनाला मंगलमय करणाऱ्या आणि आत्मभान जागवणाऱ्या ह्या अभंगरचना आहेत .

कार्यक्रमाच्या अध्यक्ष श्रीमती कुसूमताई अलाम म्हणाल्या, आनंदभान मधील अभंग हे सामाजिक जाणिवेतून तयार झालेले वैचारिक लेखन आहे.येथील महान आदिसंस्कृतीवरही प्रकाश टाकल्या गेलेला आहे . एकूणच सामान्य जणांच्या उत्थानासाठी सकारात्मक दृष्टीने रचलेले हे अभंग आपल्या महान संताचा विचार रूजविणारे आहे. हे अभंग वाचताना आपल्या निसर्ग समृद्ध झाडीपट्टीची सहज सहल घडावी असा झाडीचा ” खाजा ” त्यात आलेला आहे.

सूत्रसंचालन ॲड. राजेंद्र जेनेकर यांनी केले तर विलास उगे यांनी आभार मानले. कार्यक्रमास प्रा. श्रावण बानासुरे , प्रा.विलास पारखी , भाऊराव बोबडे, सुरेश देसाई, प्रदीप बोटपल्ले , मो.शकील जाफरी, रामदास हिंगे,शंकर दरेकर , देवराव कोंडेकर , ॲड. सारिका जेनेकर , सुभाष पावडे, शुभम बोबडे , विठ्ठल कोठारे, दादाजी झाडे , सुनिल बावणे, सौ.मंजूषा कऊटकर, नामदेव गेडकर आदी रसिक कवीमंडळी उपस्थित होते..

India Dastak News TVhttps://www.indiadastaknewstv.com/
मुन्ना तावाडे | मुख्य संपादक, 9096780556
RELATED ARTICLES

मुख्यमंत्री पदाचा राजीनामा द्यायला तयार; उद्धव ठाकरेंनी बंडखोरांना स्पष्टच सांगितले.

राज्यात शिवसेनेचे मातब्बर नेते तथा मंत्री एकनाथ शिंदे यांनी बंड केल्यानंतर राज्यातील राजकारणात एकच खळबळ उडाली आहे. एकनाथ शिंदेंसोबत सर्व बंडखोर आमदार सध्या गुवाहटीमध्ये...

सांगली हादरल! एकाच कुटुंबातील 9 जणांची आत्महत्या, विष घेत आयुष्य संपवलं

सांगली – म्हैसाळकारांचा सोमवारचा दिवस उजाडला तोच एका हादरवणाऱ्या बातमीनं.. गावात परिचित असलेल्या दोन भावांच्या संपूर्ण कुटुंबाने आत्महत्या केल्याची माहिती काही क्षणांत गावातल्या घराघरात...

मोठी बातमी: जेष्ठ समाजसेवक प्रकाश आमटे यांना कॅन्सरचे निदान.. पुण्यातील दीनानाथ मंगेशकर रुग्णालयात उपचार सुरु

चक्रधर मेश्राम पुणे: जेष्ठ समाजसेवक डॉ. प्रकाश आमटे यांना ब्लड कँसरचे निदान झाले असून उपचारासाठी त्यांना रुग्णालयात दाखल करण्यात आले आहे. आमटे यांना दुर्मिळ अशा...

LEAVE A REPLY

Please enter your comment!
Please enter your name here

- Advertisment -

Most Popular

गोंडपिपरी तालुक्यात कृषी संजीवनी मोहीमेला प्रारंभ.. कृषी विभागाकडून प्रात्यक्षिकाद्वारे मार्गदर्शन

शरद कुकुडकार (भंगाराम तळोधी प्रतिनिधी) भंगाराम तळोधी :- 25 जून ते 1 जूलै या दरम्यान राज्यात सर्वत्र कृषी संजीवनी मोहीम राबविण्यात येत आहे याच धर्तीवर...

सकमुर गावामध्ये जंगली डुक्करांकडून माणसांवर होत आहेत हल्ले… निवेदन देऊनही वनविभागाचे दुर्लक्ष..

सिद्धार्थ दहागावकर (गोंडपिपरी तालुका प्रतिनिधी) गोंडपिपरी: तालुक्यातील सकमुर या गावामध्ये गेल्या काही दिवसांपासून जंगली डुकराच्या हैदोसामुळे गावातील नागरिक प्रचंड त्रस्त झाले आहेत. काही दिवसांपूर्वी अंकिता...

गोंडपिपरीत तालुक्यात कृषी संजीवनी मोहीमेला प्रारंभ… कृषी विभागाकडून प्रात्यक्षिकाद्वारे मार्गदर्शन…

शरद कुकुडकार (भंगाराम तळोधी प्रतिनिधी) भंगाराम तळोधी :- 25 जून ते 1 जूलै या दरम्यान राज्यात सर्वत्र कृषी संजीवनी मोहीम राबविण्यात येत आहे याच धर्तीवर...

अकोल्यातून गडचिरोली जिल्ह्यात नकली नोटा पोहचविण्याचा प्रयत्न

सिरोंचा : झटपट पैसे कमावण्याच्या नादात नकली नोटा चलनात आणण्यासाठी अकोला येथून घेऊन येणाऱ्या तीन आरोपींना तेलंगणातील महादेवपूर पोलिसांनी शनिवारी रंगेहाथ पकडले. यातील दोघे तेलंगणातील,...

Recent Comments

Don`t copy text!