मुलचेरा प्रतिनिधी रुपाली रामटेके
राष्ट्रीय आरोग्य अभियानांतर्गत कंत्राटी कर्मचारी यांचे १९ ऑगष्ट पासून बेमुदत कामबंद आंदोलन सुरू असतांनाही कर्मचारी यांनी माणुसकीचे दर्शन घडवित केली रुग्णसेवा…
आंदोलन स्थळी तनुश्री ताई धर्मराव बाबा आत्राम यांनी भेट देऊन NHM कंत्राटी अधिकारी व कर्मचारी यांच्या मागण्या विषयी चर्चा केल्या.
दि. 14/03/2024 रोजी राष्ट्रीय आरोग्य अभियान कर्मचारी यांना नियमित सेवेत समावेशन करणेसाठी शासननिर्णय निर्गमित झाला आहे. सव्वा वर्षे कालावधी होवूनही अंमलबजावणी होत नसलेने तसेच मानधनवाढ, Loyalty Bonus, EPF, Insurance, बदली धोरण मान्य होत नसलेने तसेच मा. आरोग्य मंत्री महोदय, महाराष्ट्र राज्य यांनी दि. 08 व 10 जुलै 2025 रोजी संघटना शिष्टमंडळास समायोजन प्रक्रिया व विविध मागण्यांबाबत दिलेल्या आश्वासनाची पुर्तता न झाल्याने मंगळवार दि. 19/08/2025 पासून बेमुदत कामबंद आंदोलन सुरू केलेले आहे. सदर कर्मचारी हे भर पावसात जिल्हा रुग्णालय परिसरात आपल्या न्याय मागण्यांसाठी आंदोलन करीत आहेत. अशातच २ मूत्रपिंडाने आजारी आकस्मिक रुग्ण जिल्हा रुग्णालयात उपचाराकरिता आले असल्याची बाब आंदोलन कर्त्या कर्मचारी यांना माहिती होताच तात्काळ आंदोलनातील तंत्रज्ञ यांना पाठवून संबंधित रुग्णांना सेवा देण्यात आली. आंदोलन कर्त्या कर्मचारी यांनी माणुसकीचे दर्शन घडवित केलेल्या रुग्ण सेवेबाबत त्यांचे सर्व स्तरातून कौतुक केल्या जात आहे.
जितेंद्र कोटगले, जिल्हा समन्वयक राष्ट्रीय आरोग्य अभियान अधिकारी व कर्मचारी एकत्रीकरण समिती, जिल्हा शाखा – गडचिरोली
राजकुमार देवके, निलेश सुभेदार, वैशाली बोबाटे, मनोज गेडाम, राहुल कंकनालवार आदी अधिकारी व कर्मचारी उपस्थित होते
