Advertisements
Home Breaking News खळबळजनक: चंद्रपुर जिल्हाधिकारी आणि सीईओ यांच्या बनावट सह्या करून २०-२५ जणांना नोकरीचे...

खळबळजनक: चंद्रपुर जिल्हाधिकारी आणि सीईओ यांच्या बनावट सह्या करून २०-२५ जणांना नोकरीचे आदेश…धक्कादायक प्रकार समोर आल्याने जिल्हा परिषदेत खळबळ…

चंद्रपूर : जिल्हा परिषदेतील विविध विभागात वर्ग-३ च्या नोकरीसाठी तत्कालीन जिल्हाधिकारी आणि मुख्य कार्यकारी अधिकाऱ्यांची संगणकीकृत स्वाक्षरी वापरून बनावट आदेश दिल्याचा खळबळजनक प्रकार समोर आला आहे.

Advertisements

बल्लारपुरातील एका व्यक्तीकडून हा प्रकार करण्यात आला असून, त्याने जिल्हाभरातील २० ते २५ युवकांना लाखो रुपयांनी गंडविल्याची माहिती असून, जिल्हा परिषदेत चांगलीच खळबळ माजली आहे.

दरम्यान, सोमवारी हा प्रकार उजेडात आल्यानंतर मंगळवारी जिल्हा परिषदेकडून रामनगर पोलीस ठाण्यात तक्रार देण्यासाठी गेल्यानंतर पोलिसांनी मूळ आदेश मागितल्याने पुन्हा बुधवारी आदेश जमा करून तक्रार दिली जाणार असल्याची माहिती आहे. मात्र, या प्रकारामुळे जिल्हा परिषद चांगलीच हादरली असून, नोकरीचे बनावट आदेश देणारी टोळी सक्रीय असण्याची शक्यताही वर्तविली जात आहे.

कोरोनाकाळात अनेकांच्या नोकऱ्या गेल्या असून, मिळेल ते काम युवक करण्यासाठी तयार होत आहेत. अशातच बल्लारपूरच्या एका व्यक्तीने काही युवकांना आपल्या जाळ्यात ओढून जिल्हा परिषदेतील कनिष्ठ साहाय्यक व परिचराच्या नोकरीचे बनावट आदेश माथी मारले. जिल्हा परिषदेत या प्रकारची कोणतीही भरती प्रक्रिया राबविली गेली नसताना २०१९-२० या आर्थिक वर्षात तत्कालीन जिल्हाधिकारी आणि तत्कालीन मुख्य कार्यकारी अधिकाऱ्यांची संगणकीकृत स्वाक्षरी चोरून हे आदेश तयार करण्यात आले आहे.

दरम्यान, सोमवारी दोन ते तीन युवकांनी मुख्य कार्यकारी अधिकारी डॉ. मित्ताली सेठी यांची भेट घेवून बनावट आदेश दाखविल्यानंतर त्यांनाही धक्काच बसला. बनावट आदेश देवून फसवणूक झालेले आणखी २० ते २२ युवक असल्याची माहिती त्या युवकांनीच सीईओंना देत बल्लारपुरातील एका व्यक्तीने हा गोरखधंदा केल्याचेही सांगितले. मात्र, एवढे गंभीर प्रकरण असताना जिल्हा परिषदेनेही तात्काळ निर्णय न घेता एक दिवसानंतर मंगळवारी रामनगर पोलीस ठाण्यात या प्रकरणाची तक्रार दाखल करण्यासाठी अधिकारी पोहचले. परंतु, पोलिसांनी मूळ कागदपत्र मागितल्याने या प्रकरणाच्या तक्रारीसाठी बुधवारचा दिवस उजाडणार आहे.

जिल्ह्यातील २० ते २२ युवक बल्लारपुरातील त्या व्यक्तीच्या जाळ्यात फसले असून, प्रत्येकाकडून ६ ते २० लाखापर्यंतची रक्कम उखळली आहे. दरम्यान, २०१९ – २० या आर्थिक वर्षात हे बनावट आदेश दिल्यानंतर तब्बल एक वर्ष काही युवकांनी नोकरीची वाट बघितली. परंतु, आपली फसगत झाल्याचे लक्षात आल्यानंतर शहानिशा करण्यासाठी जिल्हा परिषदेचे कार्यालय गाठले असता नोकरीच्या बनावट आदेशाचा पर्दाफाश झाला आहे. फसगत झालेल्या व्यक्तींमध्ये शासकीय कार्यालयात ७ ते ८ वर्ष काम केलेला एक व्यक्तीसुद्धा असल्याची माहिती सीईओ डॉ. मित्ताली सेठी यांनी ‘पुण्य नगरी’शी बोलताना दिली. दरम्यान, जिल्हा परिषदेत घडलेला नोकरीच्या बनावट आदेशाचा हा खळबळजनक प्रकार पोलीस किती गंभीरपणे घेतात, याकडे लक्ष लागले आहे. सोमवारी आलेल्या युवकांनी बल्लारपूरच्या व्यक्तीचे नाव सांगितले असले तरी अशा प्रकारचे बनावट आदेश देणारी टोळी जिल्ह्यात सक्रीय असण्याची दाट शक्यता आहे.

Also Read: सलग चौथ्या दिवशी दिलासा; देशात सक्रीय रुग्णांच्या संख्येत घट

सोमवारी काही युवकांनी जिल्हा परिषदेत येवून नोकरीचे आदेश आपल्याला दाखविले. परंतु, ते पूर्णपणे बनावट असून, या प्रकरणाची पोलिसात तक्रार देण्याच्या सूचना केल्या आहे. हे प्रकरण अत्यंत गंभीर असून, जिल्हा पोलीस अधीक्षकांशी या संदर्भात चर्चासुद्धा करणार आहे. मात्र, युवकांनीही अशा प्रकारापासून सावध होणे गरजेचे आहे.

– डॉ. मित्ताली सेठी, मुख्य कार्यकारी अधिकारी, जि. प. चंद्रपूर

जिल्हा परिषदेतील नोकरीसाठी बनावट आदेश दिल्याचे प्रकरण समोर आले असून, या संदर्भात मुख्य कार्यकारी अधिकाऱ्यांशी चर्चा केल्यानंतर वकिलांचा सल्ला घेवून तक्रार देण्यासाठी अधिकारी रामनगर पोलीस ठाण्यात गेले होते. परंतु, पोलिसांकडून मूळ कागदपत्रांची मागणी केली असल्याने बुधवारी तक्रार दिली जाणार आहे. सोमवारी युवकांनी दिलेल्या तक्रारीसोबत असलेल्या बनावट आदेशावर तत्कालीन जिल्हाधिकारी आणि तत्कालीन मुख्य कार्यकारी अधिकाऱ्यांची संगणकीकृत स्वाक्षरी स्कॅन करून टाकण्यात आली आहे.

– श्याम वाखर्डे, अतिरिक्त मुख्य कार्यकारी अधिकारी, जि. प. चंद्रपूर

India Dastak News TVhttps://www.indiadastaknewstv.com/
मुन्ना तावाडे | मुख्य संपादक, 9096780556
RELATED ARTICLES

सफरचंद खाण्यासाठी गेलेल्या ६ वर्षाच्या मुलाचा विषारी साप चावल्याने मृत्यू…

-ब्युरोचिफ प्रशांत शाहा बीड : बीडच्या धारुर तालुक्यातील वाघोली येथे कपाटात ठेवलेले सफरचंद खाण्यासाठी गेलेल्या 6 वर्षाच्या चिमुकल्याला विषारी साप चावल्याने दुर्दैवी मृत्यू झाला. आदित्य...

स्वर्गीय शांताराम पोटदुखे यांच्या स्मृती प्रित्यर्थ मोफत आरोग्य तपासणी शिबिर…

श्याम म्हशाखेत्री (चंद्रपुर जिल्हा संपादक) चंद्रपुर: स्वर्गीय शांताराम पोटदुखे यांच्या स्मृती प्रित्यर्थ क्राईस्ट रुग्णालय, चंद्रपुर व सुशीलाबाई रामचंद्र मामिडवार समाजकार्य महाविद्यालय, पडोली यांच्या संयुक्त विद्यमाने...

राज्यात सर्वाधिक मध्यपी महिला धुळे जिल्ह्यात तर पुरुषामध्ये गडचिरोली जिल्हा पहिल्या स्थानावर

 नागपूर : मद्यपानामुळे अनेक सामाजिक समस्या निर्माण होत असून अनेकांची कुटुंबे उद्ध्वस्त झाली आहेत. परंतु, मद्यविक्रीतून येणारा महसूल बघता राज्य आणि केंद्र सरकारच मद्य...

LEAVE A REPLY

Please enter your comment!
Please enter your name here

- Advertisment -

Most Popular

म. गांधींच्या विचारधारेनेच देशातील अराजकता संपुष्टात येणार – आ. वडेट्टीवार…गांधी के रास्ते पदयात्रेचा सावली येथे समारोप

सावली: देशाला स्वातंत्र्य मिळवून देण्यासाठी उभे आयुष्य पणाला लावणारे खरे देशभक्त महात्मा गांधी हे होय. त्यांचे नीतिमूल्ये व मानवतावादी विचार आजच्या अराजक्तेच्या काळात प्रत्येकामध्ये रुजविणे...

तालुक्यातील बरेचसे पशुधन लंम्पी या आजाराच्या विळख्यात सापडल्याचे चित्र…#बाधित क्षेत्रातील २६ गावातील ६९०४ पशुधनांवर लसीकरण

बळीराम काळे,जिवती जिवती (ता.प्र.) तालुक्यात लम्पी या संसर्गजन्य आजारांने जिवती तालुक्यातही आपले पाय पसरविले आहे,त्यामुळे जिवती, शेणगाव व येल्लापुर या गावापासून पाच किलमीटरवर त्रिजेचा परीसर...

दुर्गापूर पाणीपुरवठा योजनेला जिल्हास्तरीय मंजुरी….राष्ट्रवादी युवक काँग्रेसचे प्रदेश कार्याध्यक्ष नितीन भटारकर यांच्या प्रयत्नाला यश…

चंद्रपुर: तहसील जिल्हा चंद्रपूर येथील ग्रामपंचायत दुर्गापुर गावाची लोकसंख्या २६ हजार च्या वर असून दुर्गापूर येथील सद्यस्थितीत ६ लाख २५ हजार लिटर पाणी क्षमता...

वृक्षाई पर्यावरण फाउंडेशन आणि आम आदमी पार्टीच्या संयुक्त विद्यमाने इरई बचावसाठी जल सत्याग्रह व साखळी उपोषण

चंद्रपुर: १९८१ मध्ये चंद्रपुर थर्मल पॉवर स्टेशन ची निर्मिती झाली. त्यासाठी पुरवठ्यासाठी निर्माण करण्यात आलेल्या इराई नदीवर असलेल्या धरणामुळे, धरणानंतर ही नदी संकुचित झाली....

Recent Comments

Advertisements
Advertisements
Don`t copy text!