गडचिरोली:- राज्यातील मंदिर उघडण्यासाठी आमदार डॉक्टर देवरावजी होळी यांच्या नेतृत्वात मार्कंडा देवस्थान येथे शंखनाद आंदोलन जिल्हाध्यक्ष किसनजी नागदेवे यांच्या नेतृत्वात गडचिरोलीत तर जिल्हा महामंत्री गोविंदजी सारडा यांच्या नेतृत्वात धानोरा येथे आंदोलन…राज्यात ईतर सर्व बाबींचे निर्बंध उठवण्यात आलेली असताना कोरोनाच्या नावाखाली केवळ मंदिर देवस्थान यांना लक्ष्य करून अजूनपर्यंत मंदिराचे दरवाजे उघडण्यात आलेले नाही. यामुळे राज्य सरकार विरोधात संताप असून राज्य शासनाने मंदिराचे दरवाजे लवकरात लवकर उघडावे अशी मागणी गडचिरोली विधानसभा क्षेत्राचे आमदार डॉ देवरावजी होळी यांनी मार्कंडा देवस्थान येथील शंखनाद आंदोलनाच्या प्रसंगी सरकारला केली.
यावेळी चामोर्शी तालुका अध्यक्ष दिलीपजी चलाख, बंगाली आघाडीचे जिल्हाध्यक्ष सुरेशजी शहा , तालुका महामंत्री साईनाथजी बुरांडे,ज्येष्ठ नेते जयरामजी चलाख, युवा मोर्चा तालुका अध्यक्ष प्रतीक राठी, महामंत्री लोमेश सातपुते, विलास चरडूके ,मार्कंडा परिसरातील धार्मिक संघटनांचे पदाधिकारी व कार्यकर्ते मोठ्या संख्येने उपस्थित होते.
देशामध्ये सर्वत्र मंदिर देवदर्शन सुरू करण्यात आलेली आहेत केवळ महाराष्ट्र राज्यात इतर सर्व बाबींवरील निर्बंध उठवण्यात आलेली असताना मंदिरांना उघडण्यासाठी बंधने टाकण्यात आलेली आहे. एकीकडे दारू विक्री करिता परवानगी देण्यात आली . दारूची दुकाने,बार सुरू करण्यात आली मात्र मंदिर सुरू करता आले नाही ही मोठी शोकांतिका असल्याचे आमदार महोदय म्हणाले . मंदीर देवस्थान बंद असल्याने अनेक लहान-मोठ्या व्यावसायिक ,व्यापारी, हॉटेल रेस्टॉरंट,मजुरी करणारे, यांचे फार मोठे नुकसान होत असून हातावर रोजी असणारे नारळ,अगरबत्ती फुल विक्रेते, ऑटोरिक्षावाले, पूजा साहित्य विकणारे अशा अनेकांना मोठ्या आर्थिक संकटाला तोंड द्यावे लागत आहे .त्यामुळे राज्य शासनाने तातडीने राज्यातील मंदिरे सुरू करावी अशी मागणी या आंदोलना प्रसंगी गडचिरोली विधानसभा क्षेत्राचे आमदार डॉक्टर देवरावजी होळी यांनी केली.
राज्यातील मंदिर तात्काळ उघडा -आमदार डॉ. देवराव होळी
